ສູນກາງແນວລາວສ້າງຊາດ

Lao Front For National Development

ປະທານແນວລາວສ້າງຊາດແຂວງອຸດົມໄຊ ເຂົ້າຮ່ວມກິດຈະກຳປູກຕົ້ນໄມ້

ໃນວັນທີ 11 ມິຖຸນາ 2021 ນີ້ ທີ່ສະໜາມກິລາແຂວງອຸດົມໄຊ ໄດ້ຈັດຂະບວນການປູກຕົ້ນໄມ້ ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ, ໂດຍການເຂົ້າຮ່ວມຂອງ ທ່ານ ວັນນາ ແກ້ວສັນຕິ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ມີທ່ານ ສົມດີ ເຕັງເບຼຍຈື ເລຂາຄະນະບໍລິຫານງານຊາວໜຸ່ມແຂວງ, ມີພາກສ່ວນທີ່ກ່ຽວຂ້ອງ ແລະ ນ້ອງນ້ອຍເຍົາວະຊົນ ເຂົາຮ່ວມ.

ກິດຈະກຳປູກຕົ້ນໄມ້ໃນຄັ້ງນີ້ ເພື່ອເປັນການປູກຈິດສຳນຶກໃຫ້ແກ່ຊາວໜຸ່ມ, ໄວໜຸ່ມ, ເຍົາວະຊົນ ແລະປະຊາຊົນບັນດາເຜົ່າໃຫ້ຮູ້ຈັກການປົກປັກຮັກສາ, ມັກຮັກໃນປ່າທຳມະຊາດ, ຮູ້ຈັກຄຸນຄ່າ ແລະ ປະໂຫຍດຂອງຕົ້ນໄມ້ ແລະ ເປັນການປູກຕົ້ນໄມ້ເພື່ອທົດແທນ, ປົກປັກຮັກສາສິ່ງແວດລ້ອມ ໃຫ້ອຸດົມສົມບູນ.

ຕົ້ນໄມ້ທີ່ປູກໃນຄັ້ງນີ້ມີຈຳນວນ 200 ຕົ້ນ ເຊິ່ງປະກອບມີໄມ້ແຕ້ຄ່າ, ໄມ້ດູລາຍ ແລະ ໄມ້ປະດັບອື່ນໆອີກຈໍານວນໜື່ງ, ປູກຕາມເດີ່ນ ແລະ ລຽບຕາມເສັ້ນທາງຂອບເຂດສະໜາມກິລາ.

info@lfnd.org.la | 021 213754 | (856-21) 453191