ສູນກາງແນວລາວສ້າງຊາດ

Lao Front For National Development

ປະທານແນວລາວສ້າງຊາດແຂວງຊຽງຂວາງ ເຄຶ່ອນໄຫວລົງຊຸກຍູ້ວຽກງານແນວລາວສ້າງຊາດ ຢູ່ເມືອງພູກູດ

ໃນວັນທີ 25 ມີນາ 2021 ນີ້ ທ່ານ ນາງ ບົວສີ ນາຖາວົງ ຄະນະປະຈຳພັກແຂວງ ປະທານແນວລາວສ້າງຊາດແຂວງ  ພ້ອມດ້ວຍຄະນະ ໄດ້ລົງເຄຶ່ອນໄຫວຊຸກກຍູ້ວຽກງານແນວລາວສ້າງຊາດ ຢູ່ເມືອງພູກູດ ແຂວງຊຽງຂວາງ ແລະ ໄດ້ຮັບການຕ້ອນຮັບຈາກ ທ່ານ ຫຼ້າວັນທອງ ກອງມະນີ ຄະນະປະຈຳພັກເມືອງ ປະທານແນວລາວສ້າງຊາດ ເມືອງພູກູດ

ໃນໂອກາດນີ້, ທ່ານ ປະທານແນວລາວສ້າງຊາດເມືອງ ໄດ້ລາຍງານສະພາບລວມ ໃນຈັດຕັ້ງປະຕິບັດເຄື່ອນໄຫວວຽກງານແນວລາວສ້າງຊາດ ຂອງເມືອງ ໃນໄລຍະຜ່ານມາ ເຊິ່ງໄດ້ຍົກໃຫ້ເຫັນບາງຜົນງານທີ່ພົ້ນເດັ່ນ, ບັນຫາທີ່ຍັງມີຈຸດອ່ອນ ແລະ ຂໍ້ຄົງຄ້າງ ໃຫ້ທ່ານປະທານແນວລາວສ້າງແຂວງ ໄດ້ຮັບຊາບ.

ທ່ານ ປະທານແນວລາວສ້າງຊາດແຂວງ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດບັນດາໜ້າວຽກຂອງແນວລາວສ້າງຊາດ ໃນໄລຍະຜ່ານມາ ແລະ ໄດ້ເນັ່ນບາງບັນຫາສຳຄັນວ່າ: ໃຫ້ສືບຕໍ່ນຳເອົາແນວທາງນະໂຍບາຍຂອງພັກ, ກົດໝາຍຂອງລັດ, ນິຕິກຳຕ່າງໆທີ່ກ່ຽວຂ້ອງ, ມະຕິກອງປະຊຸມໃຫຍ່ ຄັ້ງທີ VII ຜູ້ແທນແນວລາວສ້າງຊາດແຂວຊຽງຂວາງ ໄປຈັດຕັ້ງເຜີຍແຜ່ ສູ່ທ້ອງຖີ່ນຮາກຖານ ໃຫ້ປະຊາຊົນບັນດາເຜົ່າ ໄດ້ຮັບຮູ້ ແລະ ເຂົ້າໃຈ, ສຶກສາອົບຮົມ, ເຕົ້າໂຮມຄວາມສາມັກຄີປອງດອງ ຂອງປະຊາຊົນບັນດາເຜົ່າ ໃຫ້ມີຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ ແລະ ພ້ອມກັນປະກອບສ່ວນເຂົ້າໃນການສ້າງສາພັດທະນາເມືອງໃຫ້ນັບມື້ກ້າວໜ້າຂຶ້ນເລື່ອຍໆ.

info@lfnd.org.la | 021 213754 | (856-21) 453191