ສູນກາງແນວລາວສ້າງຊາດ

Lao Front For National Development

ປະທານ ສນຊ ຕ້ອນຮັບການຢ້ຽມຂໍ່ານັບຂອງ ທ່ານ ເລຂາທິການມູນນິທິໄຊພັດທະນາ ແຫ່ງ ຣາຊະອານາຈັກ.

ໃນໂອກາດທີ່ເດີນທາງມາຢ້ຽມຢາມ ສປປ ລາວ ຢ່າງເປັນທາງການ, ທ່ານ ປອ. ສຸເມດ ຕັນວິເວດສະກຸນ ເລຂາທິການມູນນິທິໄຊພັດທະນາ ແຫ່ງ ຣາຊະອານາຈັກໄທ ພ້ອມດ້ວຍຄະນະ ໄດ້ເຂົ້າຢ້ຽມຂ່ຳນັບ ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ (ສນຊ) ໃນໃນເມືອບໍ່ດົນມານີ້, ທີ່ ສນຊ ມີບັນດາສະຫາຍຫົວໜ້າກົມ, ຫ້ອງການ ແລະ ພາກສ່ວນກ່ຽວຂ້ອງເຂົ້າຮ່ວມ.

ປະທານສູນກາງແນວລາວສ້າງຊາດໄດ້ສະແດງຄວາມຍິນດີຕ້ອນຮັບ ທ່ານ ປອ. ສຸເມດ ຕັນວິເວດສະກຸນ ພ້ອມດ້ວຍຄະນະ ທີ່ໄດ້ມາຢ້ຽມຢາມ ສປປ ລາວ ໃນຄັ້ງນີ້ ທັງຕີລາຄາສູງຕໍ່ການຮ່ວມມືທີ່ເປັນມູນເຊື້ອຂອງສອງປະເທດລາວ-ໄທ ທີ່ມີມາແຕ່ດົນນານ; ພ້ອມນີ້, ປະທານ ສນຊ ໄດ້ສະເໜີໃຫ້ສອງປະເທດມີການຮ່ວມມື ເຊິ່ງກັນ ແລະ ກັນ ໃນຂົງເຂດວຽກງານຕ່າງໆ ໂດຍສະເພາະແມ່ນການຂົງເຂດກະສິກໍາ ສະເໜີໃຫ້ມີການສືບຕໍ່ຊ່ວຍເຫຼືອ ສປປ ລາວ ທາງດ້ານເຕັກນິກວິຊາການຕ່າງໆ ເພື່ອຍົກລະດັບຂີດຄວາມສາມາດຂອງຊາວກະສິກຳລາວ ໃຫ້ມີຄວາມຮູ້, ທັກສະທີ່ເຂັ້ມແຂງຍິ່ງໆຂຶ້ນ ເພື່ອເປັນກຳລັງແຮງໜຶ່ງຊ່ວຍໃນການແກ້ໄຂບັນຫາເສດຖະກິດ ໃນປັດຈຸບັນ.

ທ່ານ ປອ. ສຸເມດ ຕັນວິເວດສະກຸນ ໄດ້ສະແດງຄວາມດີໃຈ ຕໍ່ການຕ້ອນຮັບອັນອົບອຸ່ນຈາກ ທ່ານ ປະທານສູນກາງແນວລາວສ້າງຊາດ ພ້ອມດ້ວຍຄະນະ ທັງສະແດງຄວາມເຫັນດີເປັນເອກະພາບຕໍ່ຄຳເຫັນຂອງ ປະທານ ສນຊ ທັງສະແດງຄວາມຍິນດີໃຫ້ການຮ່ວມມື ແລະ ຊ່ວຍເຫຼືອແກ່ ສປປລາວ ໃນການພົວພັນຮ່ວມມືດ້ານຕ່າງໆ ໂດຍສະເພາະວຽກງານດ້ານກະສິກຳ ໃຫ້ມີບາດກ້າວທີ່ດີ ແລະ ເຂັ້ມແຂງຂຶ້ນເລື້ອຍໆ.

ບກ:  ບກ: ສຊ ຈື້ໄຊ

ຂ່າວ+ພາບ: ສຸວັນລີ

 

info@lfnd.org.la | 021 213754 | (856-21) 453191