ສູນກາງແນວລາວສ້າງຊາດ

Lao Front For National Development

ປະ​ເມີນ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີ​ປອງດອງ 3 ບ້ານ ເມືອງ​ປາກ​ລາຍ ແຂວງ​ໄຊ​ຍະ​ບູ​ລີ

ໃນ​ລະ​ຫວ່າງວັນ​ທີ 6-8 ເມ​ສາ 2021 ນີ້ ທ່ານ ນາງ ສົມ​ຈັນ ບຸດ​ດີ ຮອງ​ປະ​ທານ​ແນວ​ລາວ​ສ້າງ​ຊາດ​ແຂວງ ພ້ອມ​ດ້ວຍ​ທິມ​ງານ ໄດ້​ລົງ​ເຄື່ອນ​ໄຫວ​ເຮັດ​ວຽກ​ຢູ່​ເມືອງ​ປາກ​ລາຍ ເພື່ອ​ລົງ​ຕິດ​ຕາມ​ຊຸກ​ຍູ້ ແລະ ປະ​ເມີນ​ຄືນ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີ​ປອງດອງ ​ຢູ່​ບ້ານ​ນ້ຳ​ຊົ້ງ, ບ້ານ​ແສງ​ລາຍ ແລະ ບ້ານ​ຕາກ​ແດດ ເພື່ອຢັ້ງ​ຢືນ​ຄືນ ເພື່ອ​ກະ​ກຽມ​ສະ​ເໜີ​ຮັບ​ຮອງ​ເປັນ​ເມືອງ​​ປະ​ຕິ​ບັດ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານສາ​ມັກ​ຄີ​ປອງດອງ.

ຜ່ານ​ການ​ດຳ​ເນີນກອງ​ປະ​ຊຸມປະ​ເມີນ​ຄືນ​ກາ​ນ​ປະ​ຕິ​ບັດ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີ​ປອງດອງ​ຂອງ 3 ບ້ານ ເຫັນ​ວ່າຄອບ​ຄົວ​ສາ​ມັກ​ຄີ​ປອງດອງ​ແມ່ນ​ໄດ້ຕາມ 4 ມາດ​ຖານ​ຂອງ​ຄອບ​ຄົວ​ສາ​ມັກ​ຄີ​ປອງດອງ ແມ່ນ​ປະ​ຕິ​ບັດ​ໄດ້ 95% ຂຶ້ນ​ໄປ ແລະ 5 ມາດ​ຖານ​ບ້ານ​ສາ​ມັກ​ຄີ​ປອງດອງ​ແມ່ນ​ປະ​ຕິ​ບັດ​ໄດ້​ເກີນ 92% ຂຶ້ນ​ໄປ, ຮັກ​ສາ​ໄດ້​ນາມ​ມະ​ຍົດ​ຄອບ​ຄົວ​ສາ​ມັກ​ຄີ​ປອງດອງ ແລະ ນາມ​ມະ​ຍົດ​ບ້ານ​ສາ​ມັກ​ຄີ​ປອງດອງ.

ກອງ​ປະ​ຊຸມ ທ່ານ ຮອງ​ປະ​ທານ​ແນວ​ລາວ​ສ້າງ​ຊາດ​ແຂວງ ​ໄດ້​ເນັ້ນ​ໃຫ້​ອົງການປົກຄອງ​ບ້ານ ຕະຫຼອດ​ຮອດ​ພໍ່​ແມ່​ປະ​ຊາ​ຊົນ​ພາຍ​ໃນ​ບ້ານ ຕ້ອງ​ເປັນ​ເຈົ້າ​ການ​ເຂົ້າ​ຮ່ວມ​ທຸກ​ຂະ​ບວນ​ການ​ທີ່​ການ​ຈັດ​ຕັ້ງ​ໄດ້​ຈັດ​ຂຶ້ນ, ປະ​ຊາ​ຊົນ​ພາຍ​ໃນ​ບ້ານ​ຕ້ອງ​ໄດ້​ເພີ້ມ​ຄວາມ​ສາ​ມັກ​ຄີ​ປອງດອງ, ຊ່ວຍ​ເຫຼືອ​ເຊິ່ງ​ກັນ ແລະ ກັນ ລະ​ຫວ່າງ​ຄອບ​ຄົວ​ກັບ​ຄອບ​ຄົວ, ​ບ້ານ​ໃກ້​ຄຽງ ເພື່ອ​ສືບ​ຕໍ່​ກະ​ກຽມ​ທຸກ​ເງື່ອນ​ໄຂ ​ປະ​ກາດ​ຮັບ​ຮອງ​ເມືອງ​ປາກ​ລາຍ​ເປັນ​ເມືອງ​ປະ​ຕິ​ບັດ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີ​ປອງດອງ.

info@lfnd.org.la | 021 213754 | (856-21) 453191