ສູນກາງແນວລາວສ້າງຊາດ

Lao Front For National Development

ປາຖະກະຖາ ບົດບາດ ກົງສູນລາວ ກິຕິມະສັກ ປະຈຳຍີ່ປຸ່ນ ກັບການເສີມຂະຫຍາຍສາຍພົວພັນມິດຕະພາບ ລາວ-ຢີ່ປຸ່ນ.

ສູນກາງແນວລາວສ້າງຊາດ(ສນຊ) ໄດ້ຈັດພິທີປາຖະກະຖາບົດບາດ ຂອງກົງສູນລາວ ກິຕິມະສັກ ປະຈຳຍີ່ປຸ່ນ ກັບການເສີມຂະ ຫຍາຍສາຍພົວພັນມິດຕະພາບ ລາວ-ຢີ່ປຸ່ນ ຂຶ້ນໃນຕອນເຊົ້າຂອງວັນທີ 30 ສິງຫາ 2018 ນີ້, ໂດຍເປັນກຽດເປັນປະທານຂອງທ່ານ ນາງ ຄຳຈັນ ພົມແສງສະຫວັນ ຄະນະປະຈຳພັກ, ຮອງປະທານສູນກາງແນວລາວສ້າງຊາດ, ມີບັນດາທ່ານຜູ້ແທນຈາກປະເທດຢີ່ປຸ່ນນຳໂດຍ ພະອາຈານ ຊິກາຢະ ນາກາໂນ ປະທານກົງສູນລາວ ກິຕິມະສັກ ປະຈຳຍີ່ປຸ່ນ, ມີບັນດາທ່ານ ກຳມະການ ສນຊ, ຫົວໜ້າ-ຮອງຫົວໜ້າຫ້ອງການ, ກົມ, ສູນຝຶກອົບຮົມ ແລະ ພະນັກງານລັດຖະກອນ ສນຊ ເຂົ້າຮ່ວມ.

ທ່ານ ນາກະໂຕະ ນັດຊຶເມະ ຫົວໜ້າຫ້ອງການກົງສູນລາວ ກິຕິມະສັກ ປະຈຳຍີ່ປຸ່ນ, ປະທານມູນນິທິຊົບແຫວ່ງ ເພດານໂວ່ ຂອງປະເທດຢີ່ປຸ່ນ ໄດ້ໃຫ້ກຽດປາຖະກະຖາ ເຊິ່ງທ່ານໄດ້ຍົກໃຫ້ເຫັນສາຍພົວພັນມິດຕະພາບຂອງສອງປະເທດລາວ-ຢີ່ປຸ່ນ ເວົ້າລວມ, ເວົ້າສະເພາະແມ່ນ ກົງສູນລາວ ກິຕິມະສັກ ປະຈຳຍີ່ປຸ່ນ ແລະ ມູນນິທິຊົບແຫວ່ງເພດານໂວ່ ໃນໄລຍະຜ່ານມາ ໄດ້ຊ່ວຍ ເຫຼືອໃນການຜ່າຕັດຊົບແຫວ່ງໃຫ້ເດັກນ້ອຍລາວເປັນຈຳນວນຫຼາຍຄັ້ງ ແລະ ເດັກນ້ອຍຫຼາຍຄົນທີ່ບໍ່ສາມາດເວົ້າ, ບໍ່ສາມາດຍິ້ມໄດ້, ກິນນົມບໍ່ໄດ້ ເຮັດໃຫ້ເຂົາເຈົ້າສາມາດເວົ້າໄດ້, ຍິ້ມໄດ້ ແລະ ກິນໄດ້ສະດວກ; ໄດ້ຊ່ວຍເຫຼືອທັງດ້ານອຸປະກອນການແພດ, ສ້າງໂຮງຮຽນ, ສ້າງສູນຜ່າຕັດ ແລະ ຝຶກອົບຮົມດ້ານວິຊາການໃຫ້ແພດໝໍຂອງລາວ ການຊ່ວຍເຫຼືອທັງໝົດນີ້ແມ່ນຊ່ວຍເຫຼືອລະໂດຍບໍ່ເສຍຄ່າ. ໄດ້ຊ່ວຍເຫຼືອໃນການເອົາສຽນພະພຸດທະຮູບ ສົ່ງກັບຄືນມາລາວ ເຊິ່ງປັດຈຸບັນສຽນພະພຸດທະຮູບດັ່ງກ່າວ ແມ່ນປະດິດສະຖານຢູ່ຫໍພິພິທະພັນວັດພູຈຳປາສັກ ແລະ ຈະຊ່ວຍສ້າງວັດໃຫ້ແຂວງຈຳປາສັກ ເພື່ອນຳເອົາພະພຸດ ທະຮູບດັ່ງກ່າວໄປຕັ້ງສະຖິດໄວ້ ເພື່ອເຮັດບຸນຮ່ວມກັນລະຫວ່າງປະຊາຊົນສອງຊາດ ລາວ-ຢີ່ປຸ່ນ. ນີ້ແມ່ນການປະກອບສ່ວນ ໃນການສ້າງສາຍພົວພັນມິດຕະພາບ ລາວ-ຢີ່ປຸ່ນ ໃຫ້ນັບມື້ແໜ້ນແຟ້ນຂຶ້ນເລື້ອຍໆ.

ພ້ອມກັນນີ້, ທ່ານ ຮອງປະທານ ສນຊ ກໍໄດ້ໃຫ້ກຽດເຜີຍແຜ່ດຳລັດວ່າວ້ວຍມາດຕະຖານພົ້ນທຸກ ແລະ ມາດຕະຖານພັດທະ ນາ ສະບັບເລກທີ 348/ລບ ລົງວັນທີ 16 ພະຈິກ 2017 ຕື່ມອີກ.

info@lfnd.org.la | 021 213754 | (856-21) 453191