ສູນກາງແນວລາວສ້າງຊາດ

Lao Front For National Development

ຜົນສໍາເລັດກອງປະຊຸມແນວລາວສ້າງຊາດ ແລະ ອົງການຈັດຕັ້ງມະຫາຊົນ

ວັນທີ 8 ກໍລະກົດ 2021 ນີ້, ແນວລາວສ້າງຊາດ, ອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າ ແຂວງຈຳປາສັກ ຮ່ວມກັນເຄື່ອນໄຫວຊຸກຍູ້ວຽກງານຮອບດ້ານໃຫ້ແກ່ແນວລາວສ້າງຊາດ ແລະ ອົງການຈັດຕັ້ງມະຫາຊົນຂັ້ນເມືອງ ໂດຍໄດ້ຈັດຂື້ນຢູ່ທີ່ສະໂມສອນຂອງເມືອງຈຳປາສັກ. ໃຫ້ກຽດເປັນປະທານຂອງ ທ່ານ ນາງ ວາດສະໜາ ສີລິມາ ຄະນະປະຈໍາພັກແຂວງ ປະທານແນວລາວສ້າງຊາດແຂວງ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ ແລະ ສະຫະພັນນັກຮົບເກົ່າຂັ້ນແຂວງ, ມີປະທານ, ຮອງປະທານ ແລະ ພະນັກງານຫຼັກແຫຼ່ງເມືອງເຂົ້າຮ່ວມ.

ທ່ານ ປະທານແນວແນວລາວສ້າງຊາດແຂວງ ໄດ້ເນັ້ນໃຫ້ແຕ່ລະອົງການທີ່ເຂົ້າຮ່ວມກອງປະຊຸມ ຈົ່ງພ້ອມກັນສືບຕໍ່ເອົາໃຈໃສ່ປຸກລະດົມເຕົ້າໂຮມຄວາມສາມັກຄີປະຊາຊົນບັນດາເຜັ່າໃຫ້ເປັນປຶກແຜ່ນແໜ້ນໜາ, ໃຫ້ແນວລາວສ້າງຊາດບັນດາເມືອງ ຮ່ວມກັບອົງການຈັດຕັ້ງພາຄີ ສ້າງຂະບວນການຂ່ຳນັບຮັບຕ້ອນວັນສໍາຄັນຕ່າງໆຂອງພັກ-ຂອງຊາດ, ເອົາໃຈໃສ່ຕໍ່ກັບວຽກງານສື່ຕ່າງໆໃຫ້ເປັນປົກກະຕິ໋, ຕິດຕາມສະພາບຫາງສຽງຂອງປະຊາຊົນ, ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຂອງແຕ່ລະອົງການ ແລະ ປັບປຸງແກ້ໄຂແບບແຜນວິທີການເຮັດວຽກຂອງແຕ່ລະອົງການ ເພື່ອເຄື່ອນໄຫວຈັດຕັ້ງປະຕິບັດໜ້າທີ່ວຽກງານ ຂອງຕົນຮັບຜິດຊອບໃຫ້ໄດ້ຮັບຜົນສຳເລັດ.

ພ້ອມກັນນັ້ນ, ທ່ານ ນາງ ວາດສະໜາ ສີລິມາ ພ້ອມຄະນະ ໄດ້ລົງເຮັດວຽກ ປະທານ, ຮອງປະທານ, ຫົວໜ້າໜ່ວຍງານ ແລະ ພະນັກງານວິຊາການ ແນວລາວສ້າງຊາດ ເມືອງຈຳປາສັກ ແລະມອບເຄື່ອງຄອມພິວເຕີໃຫ້ຫ້ອງການແນວລາວສ້າງຊາດເມືອງຈຳປາສັກ 1 ຊຸດ ມູນຄ່າ 4,200,000 ກີບ.

info@lfnd.org.la | 021 213754 | (856-21) 453191