ສູນກາງແນວລາວສ້າງຊາດ

Lao Front For National Development

ຝຶກອົບຮົມສ້າງຄວາມເຂັ້ມແຂງໃຫ້ພະນັກງານ-ລັດຖະກອນ ແນວລາວສ້າງຊາດແຂວງຈໍາປາສັກ.

ໃນວັນທີ 1 ກຸມພາ 2021 ນີ້, ຢູ່ທີ່ຫ້ອງປະຊຸມ 104 ຂອງຫ້ອງວ່າການປົກຄອງແຂວງຈໍາປາສັກ ອົງການແນວລາວສ້າງຊາດແຂວງຈໍາປາສັກຈັດກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ພະນັກງານ-ລັດຖະກອນ ຂອງອົງການແນວລາວສ້າງຊາດແຂວງ ໂດຍການເປັນປະທານຂອງ ທ່ານ ນາງ ວາດສະໜາ ສິລິມາ ຄະນະປະຈໍາພັກແຂວງ ປະທານແນວລາວສ້າງຊາດແຂວງ, ມີທ່ານຮອງປະທານ, ຫົວໜ້າຂະແໜງ, ຮອງຂະແໜງ ແລະ ພະນັກງານຫລັກແຫລ່ງເຂົ້າຮ່ວມ.

ກອງປະຊຸມ ແມ່ນໄດ້ຮັບຟັງການລາຍງານການເຄື່ຶອນໄຫວວຽກງານຂອງຂະແໜງຕົນໃນໄລຍະຜ່ານມາ ແລະ ທິດທາງແຜນການເຄື່ອນໄຫວໃນຕໍ່ໜ້າ ຫລັງຈາກນັ້ນກໍ່ໄດ້ມີການແລກປ່ຽນຄວາມຄິດຄວາມເຫັນ ເຊີ່ງກັນ ແລະ ກັນ ເພື່ອເຮັດໃຫ້ເນື້ອໃນຂອງບົດລາຍງານແຕ່ລະຂະແໜງມີເນື້ອໃນສົມບູນຄົບຖ້ວນຂື້ນຕື່ມ.

ໃນຕອນທ້າຍກອງປະຊຸມ ທ່ານ ນາງ ວາດສະໜາ ສິລິມາ ໄດ້ໃຫ້ກຽດໂອ້ລົົມ ແລະ ມີຄວາມຄິດເຫັນຕໍ່ກອງປະຊຸມຄັ້ງນີ້, ໂດຍທ່ານໄດ້ກ່າວສະແດງຍ້ອງຍໍຊົມເຊີຍຕໍ່ບັນດາໝາກຜົນໆງານທີ່ແຕ່ລະຂະແໜງຍາດມາໄດ້ໃນໄລຍະຜ່ານມາພ້ອມທັງໄດ້ຍົກໃຫ້ເຫັນຕື່ມເຖີງ ສິດ, ໜ້າທີ່, ພາລະບົດບາດຂອງແນວລາວສ້າງຊາດ;  ນອກນັ້ນທ່ານຍັງໄດ້ກ່າວຕື່ມອີກວ່າ: ການຈັດຝຶກອົບຮົມໃນຄັ້ງນີ້: ແມ່ນເພື່ອສ້າງຄວາມເຂັ້ມແຂງ, ໃຫ້ພະນັກງານ-ລັດຖະກອນ ພາຍໃນຫ້ອງການແນວລາວສ້າງຊາດແຂວງ ໃຫ້ເອົາໃຈໃສ່ສືບຕໍ່ເພີ່ມທະວີວຽກງານສຶກສາອົບຮົມ, ວຽກງານການເມືອງແນວຄິດໃຫ້ເປັນຫລັກ ແລະ ປະຕິບັດໜ້າທີ່ວຽກງານຂອງຕົນທີ່ໄດ້ຮັບມອບໝາຍໃຫ້ສໍາເລັດຜົນຢ່າງຈົບງາມ.

info@lfnd.org.la | 021 213754 | (856-21) 453191