ສູນກາງແນວລາວສ້າງຊາດ

Lao Front For National Development

ພະນັກງານແນວລາວສ້າງຊາດ ຂັ້ນເມືອງ ຈາກ 5 ແຂວງພາກເໜືອ ແລະ 3 ແຂວງພາກໃຕ້ ໄດ້ຍົກລະດັບຄວາມຮູ້ກ່ຽວກັບວຽກງານ ຕິດຕາມ-ກວດກາ

ລະຫວ່າງ ວັນທີ 5-7 ມີນາ 2018, ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມຝຶກອົບຮົມວຽກງານຕິດຕາມ-ກວດກາ ທີ່ສູນຝຶກອົບຮົມ ສນຊ, ເປັນກຽດເຂົ້າຮ່ວມຂອງທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ, ໂດຍການເປັນປະທານຂອງທ່ານ ນາງ ຄຳຈັນ ພົມແສງສະຫວັນ ຮອງປະທານ ສນຊ, ມີພະນັກງານແນວລາວສ້າງຊາດ ບັນດາເມືອງຂອງ 5 ແຂວງພາກເໜືອ ຄື: ອຸດົມໄຊ, ຫຼວງພະບາງ, ຫົວພັນ, ຊຽງຂວາງ, ໄຊຍະບູລີ ແລະ 3 ແຂວງພາກໃຕ້ ສາລະວັນ, ເຊກອງ ແລະ ແຂວງອັດຕາປື ເຂົ້າຮ່ວມທັງໝົດ 66 ທ່ານ;

ກອງປະຊຸມທີ່ມີຄວາມໝາຍສຳຄັນນີ້, ທ່ານ ນາງ ຄຳຈັນ ພົມແສງສະຫວັນ ປະທານກວດກາສູນກາງແນວລາວສ້າງຊາດ ໃຫ້ຍົກໃຫ້ເຫັນວ່າວຽກງານກວດກາ ແມ່ນໜຶ່ງບົດບາດໃນການນຳພາຂອງພັກ, ການຈັດຕັ້ງພັກ-ລັດ ຕ້ອງດຳເດີນການກວດກາການຈັດຕັ້ງທຸກຂັ້ນ, ພະນັກງານ ແລະ ສະມາຊິກພັກທຸກສະຫາຍ. ໃນເງື່ອນໄຂໃໝ່ນີ້ການກວດກາຍິ່ງມີບົດບາດສຳຄັນທີ່ພົ້ນເດັ່ນ ເພາະການກວດກາແມ່ນເຮັດໃຫ້ເຮົາເຫັນດ້ານດີທີ່ຕ້ອງຂະຫຍາຍ, ສະກັດກັ້ນ ແລະ ການແກ້ໄຂສິ່ງຫຍໍ້ທໍ້ ທີ່ສົ່ງຜົນສະທ້ອນເຖິງບົດບາດການນຳພາຂອງພັກ ແລະ ການຄຸ້ມຄອງຂອງລັດ. ພ້ອມກັນນີ້, ກໍໄດ້ຮັບຟັງການເຜີຍແຜ່ເອກະສານທີ່ສຳຄັນຄື: ມະຕິຕົກລົງຂອງກົມການເມືອງສູນກາງພັກ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງສູນກາງແນວລາວສ້າງຊາດ ສະບັບເລກທີ 029/ກມສພ ລົງວັນ 28/12/2017, ພາລະບົດບາດ, ສິດ, ໜ້າທີ່ຂອງກົມກວດກາ ສນຊ; ຄວາມຮູ້ພື້ນຖານກ່ຽວກັບວຽກງານກວດກາຂອງພັກ-ລັດ ເປັນຕົ້ນ: ຄວາມເປັນມາ, ຫຼັກການ, ຮູບການ, ປະເພດ, ຂັ້ນຕອນຂອງການຕິດຕາມ-ກວດກາ; ດຳລັດວ່າດ້ວຍການຕິດ ຕາມກວດກາໂຄງການລົງທຶນຂອງລັດ ເລີ່ມແຕ່ຫົວທີ ສະບັບເລກທີ 01 ລົງວັນທີ 6/1/2015, ວຽກງານຄົ້ນຄວ້າແກ້ໄຂຄໍາຮ້ອງຟ້ອງ, ຮ້ອງທຸກ ແລະ ຄຳສະເໜີ. ໃນນີ້, ໄດ້ມີການປະກອບຄຳຄິດຄຳເຫັນແລກ ປ່ຽນບົດຮຽນເຊິ່ງກັນ ແລະ ກັນຢ່າງກົງໄປກົງມາ ເຮັດໃຫ້ຜູ້ແທນກອງປະຊຸມໄດ້ເຊື່ອມຊຶມ, ກຳແໜ້ນເນື້ອໃນຈິດໃຈຈະແຈ້ງຂຶ້ນຕຶ່ມກ່ຽວກັບວຽກງານກວດກາ ຂອງແນວລາວສ້າງຊາດ.


ໂອກາດນີ້, ທ່ານ ປະທານ ສນຊ ໃຫ້ກຽດໂອ້ລົມ ແລະ ເນັ້ນຫຼາຍບັນຫາທີ່ສຳຄັນ ວ່າ: ໃຫ້ພາກ ສ່ວນກ່ຽວຂ້ອງຈົ່ງຊຸກຍູ້ປັບປຸງກົງຈັກການຈັດຕັ້ງແນວລາວສ້າງຊາດ ແຕ່ລະຂັ້ນຄືນຕື່ມ ເປັນຕົ້ນ: ການປະ ກອບບຸກຄາລາກອນເຂົ້າໃນຕຳແໜ່ງງານວຽກງານກວດກາ ຂອງແນວລາວສ້າງຊາດ ໃຫ້ຄົບ ເພື່ອສາມາດຈັດຕັ້ງປະຕິບັດພາລະບົດບາດ, ສິດ ແລະ ໜ້າທີຂອງວຽກງານແນວລາວສ້າງຊາດ ແຕ່ລະຂັ້ນ ເພື່ອແນ ໃສ່ຮັບປະກັນການໂຄສະນາ, ສຶກສາອົບ ແລະ ເຕົ້າຮົມຄວາມສາມັກຄີ, ປະຊາຊົນບັນດາເຜົ່າ, ຊັ້ນຄົນ, ສາສະໜາ ແລະ ເພດ-ໄວ; ປຸກລະດົມກຳລັງແຮງສັງລວມຂອງປະຊາຊົນລາວບັນດາເຜົ່າ ເຂົ້າຮ່ວມທຸກຂະບວນການທີ່ສຳຄັນຂອງຊາດ, ພະນັກງານກວດກາຈົ່ງເອົາໃຈໃສ່ສືບຕໍ່ຄົ້ນຄວ້າ, ເຊື່ອມຊຶມ, ກຳແໜ້ນມະຕິກອງປະຊຸມໃຫຍ່ຂອງພັກ ແລະ ຂອງແນວລາວສ້າງຊາດ; ໃຫ້ກຳແໜ້້ນຫຼັກການກວດກາ, ປະຕິບັດໜ້າທີ່ວຽກງານກວດກາ, ເຂົ້າຮ່ວມປັບປຸງວຽກງານກໍ່ສ້າງພັກໃຫ້ມີຄວາມໜັກແໜ້ນເຂັ້ມແຂງ, ຕິດຕາມກວດກາວຽກງານແນວລາວສ້າງຊາດ ຂັ້ນຂອງຕົນໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງແນວລາວສ້າງຊາດ ໃຫ້ປະກົດຜົນເປັນຈິງ.

 

info@lfnd.org.la | 021 213754 | (856-21) 453191