ພິທີມອບ-ຮັບຄອມພິວເຕີ ປະກອບມີ: ຄອມພິວເຕີໂນດບຸກ 1 ເຄື່ອງ, ຈໍ TV 1 ເຄື່ອງ ແລະ ປຼິ້ນເຕີ 1 ເຄື່ອງ ລວມມູນຄ່າ 10 ລ້ານກີບໃຫ້ແກ່ກົມຈັດຕັ້ງ-ພະນັກງານ ສູນກາງແນວລາວສ້າງຊາດ (ສນຊ) ໄດ້ນໍາໃຊ້ເຂົ້າໃນວຽກງານຂອງຕົນ ຊິ່ງພິທີຄັ້ງນີ້, ໄດ້ຈັດຂຶ້ນໃນຄັ້ງວັນທີ 21 ກັນຍາ 2020 ນີ້, ທີ່ ສນຊ ໂດຍການກ່າວມອບຂອງພຮະອາຈານ ພົງສະຫວັນ ອານຸສິນ ຄູ່ຮ່ວມງານວຽກງານຊັ້ນຄົນ-ການຈັດຕັ້ງສັງຄົມ ກ່າວຮັບໂດຍທ່ານ ຄໍາຢາດ ລາດສະດາວົງ ຫົວໜ້າກົມຈັດຕັ້ງ-ພະນັກງານ ສນຊ, ມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.
ພ້ອມກັນນີ້, ທ່ານຫົວໜ້າກົມຈັດຕັ້ງ-ພະນັກງານ ໄດ້ສະແດງຄວາມຂອບໃຈເປັນຢ່າງສູງຕໍ່ພຣະອາຈານ ແລະ ນ. ພອນວິໄລ ແສນປະເສີດ ທີ່ມີນໍ້າໃຈເອື້ອເຟື້ອເພື່ອແຜ່ໃຫ້ການອຸປະຖໍາ ຄອມພິວເຕີຄັ້ງນີ້, ພ້ອມກັນນີ້, ທ່ານ ໄດ້ມອບໃບຍ້ອງຍໍ ສັນລະເສີນ ໃຫ້ແກ່ ພຣະອາຈານ ພົງສະຫວັນ ອານຸສິນ ແລະ ທ່ານ ນ. ພອນວິໄລ ແສນປະເສີດ ທີ່ໄດ້ປະກອບສ່ວນໃຫ້ການຊ່ວຍເຫຼືອໃນຄັ້ງນີ້.