ສູນກາງແນວລາວສ້າງຊາດ

Lao Front For National Development

ພິທີປະກາດຍົກຍ້າຍບ່ອນປະຈຳການ ຂອງຮອງປະທານສູນກາງແນວລາວສ້າງຊາດ

ໂດຍປະຕິບັດຕາມຄຳສັ່ງ ວ່າດ້ວຍການຍົກຍ້າຍພະນັກງານ ໄປຮັບໜ້າທີ່ໃໝ່ ຂອງຄະນະເລຂາທິການສູນກາງພັກ. ໃນວັນທີ 14 ມີນາ 2024 ນີ້ ທີ່ຫ້ອງປະຊຸມສູນຄົ້ນຄວ້າ-ຝຶກອົບຮົມ ສູນກາງແນວລາວສ້າງຊາດ ໄດ້ມີພິທີປະກາດຍົກຍ້າຍ ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ໄປຮັບໜ້າທີ່ໃໝ່ຢູ່ສະພາແຫ່ງຊາດ, ໃຫ້ກຽດເຂົ້າຮ່ວມໂດຍ ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີບັນດາທ່ານຮອງປະທານສູນກາງແນວລາວສ້າງຊາດ, ຄະນະກົມ ແລະ ຕາງໜ້າຈາກຄະນະຈັດຕັ້ງສູນກາງພັກ ພ້ອມດ້ວຍພະນັກງານ ຂອງສູນກາງແນວລາວສ້າງຊາດ ເຂົ້າຮ່ວມ.

ໃນພິທີ, ຕາງໜ້າຄະນະຈັດຕັ້ງສູນກາງພັກ ໄດ້ຂຶ້ນຜ່ານຄຳສັ່ງ ວ່າດ້ວຍການຍົກຍ້າຍພະນັກງານ ໄປຮັບໜ້າທີ່ໃໝ່ ຂອງຄະນະເລຂາທິການສູນກາງພັກ ສະບັບເລກທີ 21/ຄລສພ ລົງວັນທີ 1/2/2024.

ພ້ອມກັນນີ້, ທ່ານ ປະທານ ສູນກາງແນວລາວສ້າງຊາດ ໄດ້ສະແດງຄວາມຍ້ອງຍໍຊົມເຊີຍຕໍ່ທ່ານ ຈັນທະວົງ ແສນອາມາດມົນຕີ ທີ່ໄດ້ເອົາໃຈໃສ່ໃນການຈັດຕັ້ງປະຕິບັດໜ້າທີ່ວຽກງານ ຢູ່ສູນກາງແນວລາວສ້າງຊາດ ເຊິ່ງໄລຍະຜ່ານມາສາມາດຍາດໄດ້ຜົນງານດີເດັ່ນຫຼາຍດ້ານ ແລະ ເຮັດໃຫ້ວຽກງານໃນຂົງເຂດແນວລາວສ້າງຊາດ ໄດ້ຮັບການພັດທະນາດີຂຶ້ນເປັນກ້າວໆມາ.

ຂ່າວ+ພາບ: ເຢ

ບກ: ພ.ບຸບຜາ

info@lfnd.org.la | 021 213754 | (856-21) 453191