ສູນກາງແນວລາວສ້າງຊາດ

Lao Front For National Development

ພິທີປະກາດ 4 ບຸກ ຂອງຄະນະຊາວໜຸ່ມປະຊາຊົນປະຕິວັດລາວ ສູນກາງແນວລາວສ້າງຊາດ

ວັນທີ 11 ຕຸລາ 2019 ນີ້, ຄະນະຊາວໜຸ່ມສູນກາງແນວລາວສ້າງຊາດ ໄດ້ຈັດພິທີປະກາດ 4 ບຸກປະຈຳປີ 2018 ທີ່ ສູນກາງແນວລາວສ້າງຊາດ ໂດຍການເປັນປະທານ ຂອງ ສະຫາຍ ແກ້ວຈະເລີນ ເຊ່ຍຢິ້ງຢ່າງ ຄະນະປະຈຳ, ຄະນະພັກ, ຫົວໜ້າກົມໂຄສະນາ-ອົບຮົມ ເລຂາຄະນະຊາວໜຸ່ນສູນກາງແນວລາວສ້າງຊາດ ເປັນກຽດເຂົ້າຮ່ວມຂອງ ສະຫາຍ ຄຳໃບ ດຳລັດ ກຳມະການສູນກາງພັກ ຮອງເລຂາຄະນະພັກ ຮອງປະທານສູນກາງແນວສ້າງຊາດ, ສະຫາຍ ອາລຸນໄຊ ສູນນະລາດ ກຳມະການກຳມະການສຳຮອງສູນກາງພັດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ມີບັນດາທ່ານຫົວໜ້າກົມ, ຮອງຫົວໜ້າກົມ ຕະຫຼອດຮອດສະມັກຊິກຊາວໜຸ່ມ ຂອງສູນກາງແນວລາວສ້າງຊາດເຂົ້າຮ່ວມ.

ໃນນີ້, ສະຫາຍ ທິດສະຫວັນ ວົງພັກດີ ຮອງເລຂາຄະນະຊາວໜຸ່ມ ສູນກາງແນວລາວສ້າງຊາດ ໄດ້ຜ່ານບົດລາຍງານການຈັດຕັ້ງປະຕິບັດຂໍ້ແຂ່ງ 4 ບຸກ ເຊິ່ງໄດ້ຜ່ານຂະບວນການຈັດຕັ້ງປະຕິບັດຕົວຈິງໂດຍອິງໃສບັນດາເງື່ອນໄຂ ແລະ ມາດຕະຖານ 4 ບຸກ ຂອງຊາວໜຸ່ມ.
ໂອກາດນີ້, ສະຫາຍເລຂາຄະນະບໍລິຫານສູນກາງຊາວໜຸ່ມປະຊາຊົນປະຕິວັດລາວໄດ້ເປັນກຽດມອບໃບຢັ້ງຢືນ 4 ບຸກໃຫ້ແກ່ຄະນະຊາວໜຸ່ມ ສູນກາງແນວລາວສ້າງຊາດ
ພ້ອມກັນນີ້, ຄະນະຊາວໜຸ່ມສູນກາງແນວລາວສ້າວຊາດ ກໍ່ໄດ້ມອບໃບຢັ້ວຢືນ 4 ບຸກໃຫ້ແກ່ແຕ່ລະໜ່ວຍຊາວໜຸ່ມ ຂອງສູນກາງແນວລາວສ້າງຊາດ.
ສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ ເລຂາຕະນະບໍລິຫານງານວູນກາງຊາວໜຸ່ມແະຊາຊົນແະຕິວັດລາວ ໄດ້ເປັນກຽດໂອ້ລົມຕໍ່ພິທີດັ່ງກ່າວເຊິ່ງກ່ອນອື່ນສະຫາຍ ໄດ້ຍ້ອງຍໍຊົມເຊີຍຕໍບັນດາຜົນງານທີ່ຄະນະຊາວໜຸ່ມສູນກາງແນວລາວສ້າງຊາດຍາດມາໄດ້ໄລຍະຜ່ານມາ ພ້ອມກັນນີ້, ສະຫາຍໄດ້ຍົກໃຫ້ເຫັນຄວາມສຳຄັນຂອງຊາວໜຸ່ມເຊີ່ງເປັນແຂງຂວາງຂອງພັກ ເປັນຜູ້ສືບທອດພາລະກິດຂອງຊາດ ສະນັ້ນ, ສະມາຊິກຊາວໜຸ່ມທຸກສະຫາຍຕ້ອງຕັ້ງໃຈຝຶກຝົນຫຼໍ່ຫຼອມເປັນແບບຢ່າງໃຫ້ແກ່ມະຫາຊົນ, ເປັນກຳລັງແຮງໃຫ້ແກ່ຄະນະພັກ ແລະ ຕ້ອງເຂັ້ມແຂງປຽກເໝືອນດັ່ງນົກອິນຊີທີ່ບໍ່ວັ່ນກົວຕໍ່ພາຍຸລົມແດງ ຈົ່ງກາຍເປັນສິນໄຊ ຂອງຍຸກສະໄໝ ແລະ ສະຫາຍໄດ້ເນັ້ນໃຫ້ສະມາຊິກຊາວໜຸ່ມຕ້ອງເພີ່ມທະວີວຽກງານການເມືອງແນວຄິດ, ສຶກສາອົບຮົມເຕົ້າໂຮມຄວາມສາມັກຄີໃຫ້ເປັນໜຶ່ງດຽວເພື່ອເຂົ້າຮ່ວມທຸກຂະບວນການທີ່ສຳຄັນຂອງພັກຂອງຊາດ.

info@lfnd.org.la | 021 213754 | (856-21) 453191