ສູນກາງແນວລາວສ້າງຊາດ

Lao Front For National Development

ພິທີປະດັບປະດັບຫຼຽນໄຊແຮງງານ ແລະ ຫຼຽນກາ 70 ປີແນວລາວສ້າງຊາດ

ໃນຕອນເຊົ້າວັນທີ 5 ກຸມພາ 2021 ນີ້ ຢູ່ທີ່ຫ້ອງປະຊຸມແນວລາວສ້າງຊາດແຂວງບໍ່ແກ້ວ ໄດ້ຈັດພິທີປະດັບປະດັບຫຼຽນໄຊແຮງງານຊັ້ນ ll, ຫຼຽນກາ 70 ປີແນວລາວສ້າງຊາດ ແລະ ມອບໃບຍ້ອງຍໍຂອງທ່ານເຈົ້າແຂວງໆ ບໍ່ແກ້ວ ໃຫ້ແກ່ບຸກຄົນທີ່ມີຜົນງານດີເດັ່ນໃນການປະຕິບັດວຽກງານແນວລາວສ້າງຊາດ, ບຸກຄົນທີ່ມີຜົນງານໃນການປົກປັກຮັກສາ ແລະ ສ້າງສາພັດທະນາປະເທດຊາດກໍ່ຄືແຂວງ ບໍ່ແກ້ວ ຕະຫຼອດໄລຍະຜ່ານມາ ໂດຍການເປັນປະທານ ຂອງທ່ານ ດາລີວັນ ພູສະຫວັນ ຄະນະປະຈໍາພັກແຂວງ ປະທານແນວລາວສ້າງຊາດແຂວງ, ເຂົ້າຮ່ວມ ມີທ່ານຮອງປະທານ, ມີບັນດາຫົວໜ້າ, ຮອງຫົວໜ້າຂະແໜງ ຕະຫຼອດຮອດພະນັກງານ-ລັດຖະກອນແນວລາວສ້າງຊາດແຂວງ ເຂົ້າຮ່ວມຢ່າງພ້ອມພຽງ.

ໃນພິທີ ຜູ້ເຂົ້າຮ່ວມໄດ້ຮັບຟັງການຜ່ານ ຂໍ້ຕົກລົງຂອງປະທານປະເທດ ສະບັບເລກທີ 064/ທປທ, ຂໍ້ຕົກລົງຂອງສູນກາງແນວລາວສ້າງຊາດ ສະບັບເລກທີ 306/ສນຊ, ຂໍ້ຕົກລົງຂອງທ່ານເຈົ້າແຂວງ ແຂວງ ບໍ່ແກ້ວ ສະບັບເລກທີ 294/ຈຂ.ບກ ໃນນັ້ນ ມີຜູ້ໄດ້ຮັບຫຼຽນໄຊແຮງງານຊັ້ນ ll ຈໍານວນ 2 ທ່ານ, ໄດ້ຮັບຫຼຽນກາ 70 ປີແນວລາວສ້າງຊາດ ຈໍານວນ 16 ທ່ານ ຍິງ 8 ທ່ານ ແລະ ໄດ້ຮັບໃບຍ້ອງຍໍຂອງທ່ານເຈົ້າແຂວງ ແຂວງ ບໍ່ແກ້ວ 11 ທ່ານ ຍິງ 7 ທ່ານ; ເປັນກຽດມອບ ໂດຍ ທ່ານ ດາລີວັນ ພູສະຫວັນ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ບໍ່ແກ້ວ.

info@lfnd.org.la | 021 213754 | (856-21) 453191