ສູນກາງແນວລາວສ້າງຊາດ

Lao Front For National Development

ພິທີພົບປະລະຫວ່າງສູນກາງແນວລາວສ້າງຊາດ ແລະ ຄະນະຜູ້ແທນສູນກາງສະມາຄົມຊາວກະສິກອນຫວຽດນາມ

     ພິທີພົບປະລະຫວ່າງສູນກາງແນວລາວສ້າງຊາດ ແລະ ຄະນະຜູ້ແທນສູນກາງສະມາຄົມຊາວກະສິກອນ ຫວຽດນາມ ຝ່າຍລາວນຳໂດຍ ສະຫາຍ ຄຳໄຫຼ ສີປະເສີດ ກຳມະການສູນກາງພັກ, ຮອງປະທານ ຜູ້ປະຈຳການສູນກາງແນວລາວສ້າງຊາດ ຝ່າຍຫວຽດນາມນຳໂດຍ ສະຫາຍ ເລືອງ ກວກ ດວ່ານ ກຳມະການສູນກາງພັກ, ປະທານສູນກາງສະມາຄົມຊາວກະສິກອນຫວຽດນາມ ພ້ອມດ້ວຍ ຄະນະທັງສອງຟ່າຍເຂົ້າຮ່ວມ ໃນວັນທີ 5 ມີນາ 2024 ທີ ສູນກາງແນວລາວສ້າງຊາດ. ໃນການພົບປະຄັ້ງນີ້, ທັງສອງຟ່າຍໄດ້ລາຍງານສະພາບການພັດທະນາເສດຖະກິດ-ສັງຄົມຂອງ ສອງປະເທດໃຫ້ກັນ ແລະ ກັນຊາບ ພ້ອມກັນນີ້, ສະຫາຍ ຄຳໄຫຼ ສີປະເສີດ ໄດ້ສະແດງຄວາມຍີນ ດີຕ້ອນຮັບຄະນະ ແລະ ຕີລາຄາສູງຕໍ່ການມາຢ້ຽມຢາມພົບປະແລກປ່ຽນບົດຮຽນວຽກງານຊາວກະ ສີກອນ ຂອງສອງປະເທດລາວ-ຫວຽດນາມ ເຊິ່ງເປັນໄລຍະນີ້ ສປປ ລາວ ກະກຽມສ້າງຕັ້ງສະຫະພັນຊາວກະສິກອນລາວ.
      ສະຫາຍ ເລືອງ ກວກ ດວ່ານ ໄດ້ສະແດງຄວາມຂອບໃຈເປັນຢ່າງຍີ່ງທີ່ ໄດ້ຮັບການຕ້ອນຮັບຢ່າງອົບອຸ່ນຈາກຄະນະກຳມະການສູນກາງແນວລາວສ້າງຊາດ ແລະ ໄດ້ ຍົກໃຫ້ເຫັນພາລະບົດບາດ, ຄວາມສຳຄັນຂອງວຽກງານຊາວສິກອນຫວຽດນາມເຊິ່ງເປັນສ່ວນໜຶ່ງ ໃນຂະບວນການສ້າງສາພັດທະນາປະເທດຊາດຫວຽດໂດຍໄດ້ຮັບການສ້າງຕັ້ງໃນປີ 1930 ເປັນຕົ້ນມາ, ພ້ອມທັງໃຫ້ ຮູ້ຮູບແບບການເຄື່ອນໄຫວ ຂອງສະມາຄົມຊາວກະສິກອນຫວຽດນາມວ່າມີການຈັດຕັ້ງປະຕິບັດແນວໃດ ແລະ ສະຫາຍກ່າວອິກວ່າພ້ອມທີ່ຈະຖອດຖອນບົດຮຽນ, ປະສົບການໃນການຈັດຕັ້ງປະຕິບັດ ວຽກງານຊາວກະສິກອນ ຂອງຫວຽດນາມໄລຍະຜ່ານມາ ແລະ ຍີນດີສະໝັບສະໝູນໃນການສ້າງຕັ້ງສະຫະພັນຊາວກະ ສິກອນລາວ.
     ສະຫາຍ ຄຳໄຫຼ ສີປະເສີດ ກໍ່ໄດ້ສະແດງຄວາມຂອບໃຈເປັນຢ່າງ ຍີ່ງຕໍ່ຄະນະຜູ້ແທນສູນກາງສະມາຄົມຊາວກະສິກອນທີ່ໄດ້ແລກປ່ຽນບົດຮຽນວຽກງານຊາວກະສິກອນ ແລະ ຕໍ່ໄປນີ້ ຄະນະທັງສອງຝ່າຍຈະສືບຕໍ່ປະກອບສ່ວນຢ່າງແຂງແຮງເຂົ້າໃນພາລະກິດເສີມສ້າງສາຍ ພົວພັນຮ່ວມມື ຮອບດ້ານລະຫວ່າງ ສອງພັກ-ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ ເວົ້າສະເພາະແມ່ນສອງອົງການ ສູນກາງແນວລາວສ້າງຊາດ ແລະ ສູນກາງສະມາຄົມຊາວກະສິກອນຫວຽດນາມ; ການພົບປະສອງຝ່າຍໃນຄັ້ງນີ້ໄດ້ມີການເຊັນບົດບັນທຶກຮ່ວມມືກັນລະຫວ່າງ ສູນກາງແນວລາວສ້າງຊາດ ແລະ ສູນກາງສະມາຄົມຊາວກະສິກອນຫວຽດນາມແຕ່ປີ 2025-2030.
ບກ: ແພງພັນ
ຂ່າວ-ພາບ: ເລົ່າລໍ່
info@lfnd.org.la | 021 213754 | (856-21) 453191