ສູນກາງແນວລາວສ້າງຊາດ

Lao Front For National Development

ພິທີພົບປະສອງຝ່າຍລະຫວ່າງ ຄະນະກຳມະການສູນກາງແນວລາວສ້າງຊາດ ແລະ ຄະນະກຳມະການຊົນເຜົ່າ ສສ ຫວຽດນາມ

ການພົບປະແລກປ່ຽນບົດຮຽນສອງຝ່າຍ ລະຫວ່າງ ຄະກຳມະການສູນກາງແນວລາວສ້າງຊາດ ແລະ ຄະນະກຳມະການຊົນ ເຜົ່າແຫ່ງລັດຖະບານ ສສ ຫວຽດນາມ ເຊິ່ງຝ່າຍລາວນຳໂດຍ ທ່ານ ເຢ່ຍເກີຢາ ໜໍ່ຈໍ່ຈົງຕົວ ຮອງປະທານ ຜູ້ຊີ້ນຳວຽກງານຊົນເຜົ່າ ສູນການແນວລາວສ້າງຊາດ ຝ່າຍຫວຽດນາມນຳໂດຍ ທ່ານ ດິງ ເຄ້ ຫາຍ, ຮອງຫົວໜ້າຄະນະຮັບຜິດຊອບຄະນະກຳມະ ການຊົນເຜົ່າ ທີ່ສູນກາງແນວລາວສ້າງຊາດ ໃນວັນທີ່ 01 ເມສາ 2017 ນີ້.

ການພົບປະຄັ້ງນີ້ ທ່ານ ເຢ່ຍເກີຢາ ໜໍ່ຈໍ່ຈົງຕົວ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການມາເຮັດວຽກຂອງທ່ານ ດິງ ເຄ້ ຫາຍ, ຮອງຫົວໜ້າຄະນະຮັບຜິດຊອບຄະນະກຳມະການຊົນເຜົ່າ ແລະ ການພົບປະແລກປ່ຽນໃນຄັ້ງນີ້ ເພື່ອເປັນການຮັດແໜ້ນ ແລະ ເສີມຂະຫຍາຍມູນເຊື້ອອັນດີງາມຂອງສອງພັກສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ກໍ່ຄືສູນກາງແນວລາວສ້າງຊາດ ແລະ ຄະນະກຳມາທິການຊົນເຜົ່າ ແຫ່ງ ສສ ຫວຽດນາມ ໃຫ້ນັບມື້ແໜ້ນແຟ້ນຍິ່ງໆຂຶ້ນ; ພ້ອມກັນນັ້ນ, ຍັງໄດ້ປຶກສາຫາລືແລກປ່ຽນຄຳຄິດຄຳເຫັນໃນຫລາຍໆບັນຫາ ເປັນຕົ້ນການເພີ່ມທະວີການຮ່ວມມື, ການຈັດຕັ້ງປະຕິບັດບັນດາສັນຍາ ແລະ ຂໍ້ຕົກລົງຕ່າງໆທີ່ສູນກາງແນວລາວສ້າງຊາດ ກັບ ຄະນະກໍາມາທິການຊົນເຜົ່າແຫ່ງ ສສ ຫວຽດນາມ ເຊັນຮ່ວມກັນໃຫ້ເກີດດອກອອກຜົນ ແລະ ເປັນຮູບປະທຳ, ສືບຕໍ່ຮ່ວມມືໃນການພົວພັນດ້ວຍຫລາຍຮູບການ, ເພີ່ມທະວີຄວາມສາມາດໃນການປະຕິບັດວຽກງານລະຫວ່າງ ຄະນະກຳມະການສູນກາງແນວລາວສ້າງຊາດ ແລະ ຄະນະກຳມະການຊົນເຜົ່າ, ​ເພີ່ມ​ທະວີ​ການ​ຮ່ວມ​ມື ​ແລະ ການ​ຊ່ວຍ​ເຫລືອ​ເຊິ່ງກັນ ​ແລະ ກັນ ​ໃນ​ການ​ພັດທະນາ​ເສດຖະກິດ​ສັງຄົມ, ການຍົກລະດັບຄວາມຮູ້ດ້ານພາສາຫວຽດນາມ, ຄວາມຮູ້ດ້ານໄອທີ ແລະ ​ການ​ກໍ່​ສ້າງ​ພື້ນຖານ​ໂຄ່ງ​ລ່າງ, ສືບຕໍ່ແລກປ່ຽນຄະນະຜູ້ແທນລະຂັ້ນສູງ, ຈັດຝຶກອົບຮົມວຽກງານຊົນຊາດ-ຊົນເຜົ່າໃຫ້ພະນັກງານທີ່ເຮັດວຽກດັ່ງກ່າວ ຢູ່ສູນກາງ ແລະ ທ້ອງຖິ່ນ, ໂດຍສະເພາະບັນດາແຂວງທີ່ມີຊາຍແດນຕິດຈອດກັນ ພ້ອມດຽວກັນນັ້ນຍັງໄດ້ຈັດຝຶກອົບ ຮົມວຽກງານຊົນເຜົ່າໃຫ້ພະນັກງານແນວລາວສ້າງຊາດແຂວງໄຊຍະບູລີ ຕື່ມອີກ.

info@lfnd.org.la | 021 213754 | (856-21) 453191