ສູນກາງແນວລາວສ້າງຊາດ

Lao Front For National Development

ພິທີພົບປະສອງຝ່າຍລະຫວ່າງ ຄະນະກຳມະການສູນກາງແນວລາວສ້າງຊາດ ແລະ ຄະນະກຳມະການສູນກາງແນວໂຮມປະເທດຊາດຫວຽດນາມ

ການພົບປະແລກປ່ຽນສອງຝ່າຍ ລະຫວ່າງ ຄະນະກຳມະການສູນກາງແນວລາວສ້າງຊາດ ແລະ ຄະນະກຳມະການສູນ ກາງແນວໂຮມປະເທດຊາດຫວຽດນາມ ຝ່າຍລາວນຳໂດຍ ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ຝ່າຍຫວຽດນາມນຳໂດຍ ທ່ານ ນ ເຈືອງ ທິ ຫງອກ ແອງ ຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຊິ່ງໄດ້ຈັດຂຶ້ນຢູ່ສູນກາງແນວລາວສ້າງຊາດ ໃນວັນທີ່ 6 ເມສາ 2017 ນີ້.

ການພົບປະຄັ້ງນີ້ ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ໄດ້ສະແດງຄວາມປິຕິຊົມຊື່ນ, ຍິນດີຕ້ອນຮັບ ແລະ ຕີລາຄາສູບຕໍ່ການມາຢ້ຽມຢາມ ສປປ ລາວໃນຄັ້ງນີ້ ແລະ ທັງສອງຝ່າຍໄດ້ແຈ້ງສະພາບລວມຂອງປະ ເທດຕົນໃຫ້ກັນ ແລະ ກັນ ຮັບຊາບ ເຊິ່ງຈຸດປະສົງໃນການພົບປະຄັ້ງນີ້ ກໍ່ເພື່ອປຶກສາຫາລື, ຖອດຖອນບົດຮຽນກ່ຽວກັບກອງປະ ຊຸມເສີມສ້າງຊາຍແດນສັນຕິພາບ, ມິດຕະພາບ ແລະ ການຮ່ວມມືພັດທະນາ ລາວ-ຫວຽດນາມ 2017;​ ປຶກສາຫາລືກ່ຽວກັບເນື້ອໃນກອງປະຊຸມປະທານແນວໂຮມ 3 ປະເທດ ( ລາວ-ຫວຽດນາມ-ກຳປູເຈຍ) ທີ່ຈະຈັດຂຶ້ນຢູ່ ສສ ຫວຽດນາມ ພ້ອມກັນນັ້ນ, ຍັງໄດ້ປຶກສາຫາຫລື ແລກປ່ຽນຄຳຄິດຄຳເຫັນໃນຫລາຍໆບັນຫາບໍ່ວ່າຈະເປັນການເພີ່ມທະວີການຮ່ວມມືການຈັດຕັ້ງປະຕິບັດບັນດາສັນ ຍາ ແລະ ຂໍ້ຕົກລົງຕ່າງໆທີ່ຄະນະກຳມະການສູນກາງແນວລາວສ້າງຊາດ ກັບ ຄະນະກຳມະການສູນກາງແນວໂຮມປະເທດຊາດຫວຽດນາມ ທີ່ໄດ້ເຊັ່ນຮ່ວມກັນໃຫ້ເກີດດອກອອກຜົນ ແລະ ເປັນຮູບປະທຳ, ສືບຕໍ່ຮ່ວມມືໃນການພົວພັນດ້ວຍຫລາຍຮູບການ, ເພີ່ມທະວີຄວາມສາມາດໃນການປະຕິບັດວຽກງານຕ່າງໆລະຫວ່າງ ຄະນະກຳມະການສູນກາງແນວລາວສ້າງຊາດ ແລະ ຄະນະກຳ ມະການສູນກາງແນວໂຮມປະເທດຊາດຫວຽດນາມ, ສືບຕໍ່ແລກປ່ຽນຄະນະຜູ້ແທນຂັ້ນສູງ, ເພີ່ມທະວີການຮ່ວມມືການກໍ່່ສ້າງ-ບໍາລຸງໃຫ້ພະນັກງານແນວລາວສ້າງຊາດ ຂັ້ນສູນກາງ ແລະ ທ້ອງຖິ່ນ ; ນອກຈາກນັ້ນ ທ່ານ ຮອງປະທານສູນກາງແນວລາວສ້າງຊາດຍັງໄດ້ສະເໜີໃຫ້ມີໂຄງການຮ່ວມມື ລະຫວ່າງ ສູນຝຶກອົບຮົມຂອງສູນກາງແນວລາວສ້າງຊາດ ແລະ ສູນຝຶກອົບຮົມຂອງແນວໂຮມປະເທດຊາດຫວຽດນາມ ເປັນຕົ້ນແມ່ນການປະກອບຄູຝຶກອົບຮົມວຽກງານແນວໂຮມໃຫ້ແນວລາວສ້າງຊາດທີ່ ສປປ ລາວ ໄລຍະສັ້ນ ແລະ ການແລກປ່ຽນວິຊາການລະຫວ່າງຄະນະຮັບຜິດຊອບສູນສອງປະເທດ.

info@lfnd.org.la | 021 213754 | (856-21) 453191