ສູນກາງແນວລາວສ້າງຊາດ

Lao Front For National Development

ພິທີພົບປະສອງຝ່າຍ ລະຫວ່າງ ສູນກາງແນວລາວສ້າງຊາດ ແລະ ຄະນະກຳມະການຊົນເຜົ່າ ສສ ຫວຽດນາມ

ການພົບປະແລກປ່ຽນບົດຮຽນສອງຝ່າຍ ລະຫວ່າງ ສູນກາງແນວລາວສ້າງຊາດ ແລະ ຄະນະກຳມະການຊົນເຜົ່າ ແຫ່ງລັດຖະບານ ສສ ຫວຽດນາມ ເຊິ່ງຝ່າຍລາວນຳໂດຍ ທ່ານ ຄໍາໃບ ດໍາລັດ ກໍາມະການສູນພັກກາງພັກ ຮອງປະທານສູນກາງແນວລາວສ້າງຊາດ ຝ່າຍຫວຽດນາມນຳໂດຍ ທ່ານ ໂດ້ ວັນ ຈ່ຽນ, ກໍາມະການສູນກາງພັກ, ລັດຖະມົນຕີ, ຫົວໜ້າຄະນະກຳມະການຊົນເຜົ່າ ແຫ່ງລັດຖະບານ ສສ ຫວຽດນາມ ພ້ອມດ້ວຍນະຜູ້ແທນທັງສອງຝ່າຍເຂົ້າຮ່ວມ ທີ່ສູນຝຶກອົບຮົມ ສູນກາງແນວລາວສ້າງຊາດ ໃນວັນທີ່ 23 ເມສາ 2018;

ການພົບປະຄັ້ງນີ້, ທັງສອງຝ່າຍໄດ້ມີຄຳເຫັນແລກປ່ຽນໂດຍໄດ້ລາຍງານສະພາບການພັດທະນາເສດຖະກິດ-ສັງຄົມ ໂດຍລວມ ໃຫ້ຮັບຊາບ; ຫຼັງຈາກນັ້ນ, ກໍ່ໄດ້ແຈ້ງກ່ຽວກັບສະພາບການເຄື່ອນໄຫວວຽກງານຂອງສູນກາງແນວລາວສ້າງຊາດນັບແຕ່ກອງປະຊຸມໃຫຍ່ ຄັ້ງທີ X ຜູ້ແທນທົ່ວປະເທດຂອງແນວລາວສ້າງຊາດ ປີ 2016 ເປັນຕົ້ນມາເວົ້າສະເພາະແມ່ນວຽກງານຊົນເຜົ່າ ຂອງສູນກາງແນວລາວສ້າງຊາດ ເຊິ່ງໄດ້ເຊັນບົດບັນທຶກຮ່ວມືນຳກັນແຕ່ວັນທີ 13 ​ສິງຫາ 2012 ທີ່ນະຄອນຮ່າໂນ້ຍ ສສ ຫວຽດນາມ ພ້ອມກັນນີ້ ທັງສອງຝ່າຍໄດ້ປຶກສາຫາລືການສືບຕໍ່ຮ່ວມມືໃນການພົວພັນການຜັນຂະຫຍາຍເຖິງວຽກງານຊົນເຜົ່າດ້ວຍຫລາຍຮູບການ, ເພີ່ມທະວີຄວາມສາມາດວຽກງານການຈັດຕັ້ງສູນກາງແນວລາວສ້າງຊາດ ແລະ ຄະນະກຳມະການຊົນເຜົ່າ, ​ເພີ່ມ​ທະວີ​ການ​ຮ່ວມ​ມື ​ແລະ ການ​ຊ່ວຍ​ເຫລືອ​ເຊິ່ງກັນ ​ແລະ ກັນ ​ໃນ​ການ​ພັດທະນາ​ເສດຖະກິດ-​ສັງຄົມ, ການຍົກລະດັບຄວາມຮູ້ດ້ານພາສາຫວຽດນາມ, ຄວາມຮູ້ດ້ານໄອທີ, ຊ່ວຍ​ເຫລືອ​ກັນ​ໃນ​ການ​ກໍ່​ສ້າງ​ພື້ນຖານ​ໂຄ່ງ​ລ່າງ, ສືບຕໍ່ແລກປ່ຽນຄະນະຜູ້ແທນລະດັບສູງ, ຈັດຝຶກອົບຮົມວຽກງານຊົນຊາດ-ຊົນເຜົ່າ ໃຫ້ພະນັກງານທີ່ເຮັດວຽກດັ່ງກ່າວບໍ່ວ່າຢູ່ສູນກາງ ແລະ ລະດັບທ້ອງຖິ່ນ, ຊຸກຍູ້ການແລກປ່ຽນ ແລະ ການຈັດກອງປະຊຸມຮ່ວມກັນ ລະຫວ່າງ ຄະນະກຳມະການຊົນເຜົ່າແຫ່ງລັດຖະບານ ສສ ຫວຽດນາມ ແລະ ຄະນະກໍາມະການສູນກາງແນວລາວສ້າງຊາດ ກ່ຽວກັບວຽກງານຊົນເຜົ່າຢູ່ບັນດາແຂວງຂອງ ສປປ ລາວ ແລະ ສສ ຫວຽດນາມ ທີ່ມີຊາຍແດນຕິດຈອດກັນ ເພື່ອສ້າງໂອກາດເຮັດວຽກຮ່ວມກັນ ໃນການແລກປ່ຽນປະສົບການວຽກງານຊົນເຜົ່າຂັ້ນສູນກາງ ແລະ ທ້ອງຖິ່ນ ຂອງສອງປະເທດ, ທັງນັ້ນ ເພື່ອຊຸກຍູ້ ແລະ ເສີມຂະຫຍາຍການຮ່ວມມືເຂົ້າສູ່ລວງເລິກ, ທັງປະກອບສ່ວນເຂົ້າໃນການສ້າງຊາຍແດນຂອງສອງປະເທດ ໃຫ້ເປັນຊາຍແດນແຫ່ງມິດຕະພາບ, ການພັດທະນາຍືນຍົງ ທັງຊ່ວຍເຫຼືອເຊິ່ງກັນ ແລະ ກັນໃນການພັດທະນາຊົນນະບົດເຂດຊົນເຜົ່າລຽບຕາມຊາຍແດນຂອງສອງປະເທດ ອີກດ້ວຍ.

info@lfnd.org.la | 021 213754 | (856-21) 453191