ສູນກາງແນວລາວສ້າງຊາດ

Lao Front For National Development

ພິທີມອບບັດພະນັກງານ-ລັດຖະກອນ ໃຫ້ສູນກາງແນວລາວສ້າງຊາດ

ພິທີມອບບັດພະນັກງານ-ລັດຖະກອນ ໃຫ້ພະນັກງານ ສູນກາງແນວລາວສ້າງຊາດ(ສນຊ)ຊຸດທີ I ໄດ້ຈັດຂຶ້ນໃນວັນທີ 19 ຕຸລາ 2018 ນີ້, ໂດຍການປະທານຂອງທ່ານ ຄຳຫຼ້າ ລີ້ງນະສອນ ຄະນະພັກ, ຮອງປະທານ ສນຊ, ເປັນກຽດເຜີຍແຜ່ຄຳແນະນຳ ກ່ຽວ ກັບການອອກບັດພະນັກງານ-ລັດຖະກອນ ໂດຍທ່ານ ວິໄຊ ພັນດານຸວົງ ຄະນະພັກ, ຮອງລັດຖະມົນຕີກະຊວງພາຍໃນ, ມີບັນດາຮອງປະທານ ສນຊ, ຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ,ພ້ອມດ້ວຍພະນັກງານວິຊາການຂອງ ສນຊ ເຂົ້າຮ່ວມ.

ທ່ານ ຮອງລັດຖະມົນຕີກະຊວງພາຍໃນ ໄດ້ເຜີຍແຜ່ຄຳແນະນຳ ກ່ຽວກັບການອອກບັດພະນັກງານ-ລັດຖະກອນ ສະບັບເລກທີ 06/ພນ, ລົງວັນທີ 19 ຕຸລາ 2017 ເຊິ່ງທ່ານໄດ້ຍົກໃຫ້ເຫັນເຖິງຈຸດປະສົງ ແລະສະພາບລວມ, ຄວາມໝາຍຄວາມສຳຄັນ ແລະ ຜົນປະໂຫຍດຂອງບັດລັດຖະກອນວ່າ: ບັດດັ່ງກ່າວແມ່ນເປັນການຢັ້ງຢືນ ແລະ ກວດກາບັນຊີຈຳນວນພົນພະ ນັກງານ-ລັດຖະກອນຜູ້ມີໜ້າ ຫຼື ບໍ່ມີໜ້າຕົວຈິງ ຂອງບັນດາກະຊວງ, ອົງການຂັ້ນສູນກາງ ລົງຮອດທ້ອງຖິ່ນຮາກຖານ, ເປັນການປັບປຸງຂໍ້ມູນລັດຖະກອນໃຫ້ຖືກຕ້ອງ, ສອດຄ່ອງກັບລະບຽບການ, ຫັນການຄຸ້ມຄອງພະນັກງານ-ລັດຖະກອນ ຕາມລະ ບຽບກົດໝາຍ ແລະ ໃຫ້ເປັນລະບົບທັນສະໄໝ, ເຮັດໃຫ້ການເບີກຈ່າຍເງີນເດືອນ, ເງີນອຸດໜູນ ແລະ ເງີນນະໂຍບາຍຕ່າງໆຖືກຕ້ອງຕາມຕົວຈິງ ລວມເຖິງການໃຊ້ບັດປະກັນສັງຄົມ ເວລາເຂົ້າປິ່ນປົວສຸຂະພາບຢູ່ໂຮງໝໍໄດ້ຮັບຄວາມສະດວກສະບາຍໃຫ້ແກ່ພະນັກງານ-ລັດຖະກອນ. ພ້ອມກັນນີ້ກໍໄດ້ມີການປະກອບຄຳຄິດຄຳເຫັນແລກປ່ຽນກ່ຽວກັບບາງເນື້ອໃນຂອງຄຳແນະ ນຳໃນການນຳໃຊ້ບັດດັ່ງກ່າວນີ້ໃຫ້ຖືກຕ້ອງ ເຮັດໃຫ້ບັນດາທ່ານທີ່ໄດ້ເຂົ້າຮ່ວມສາມາດເຊື່ອມຊຶມ ແລະ ເຂົ້າໃຈຕໍ່ຄຳແນະນຳໄດ້ຢ່າງເລິກເຊິ່ງ.

ໂອກາດນີ້, ກໍໄດ້ມີພິທີມອບບັດພະນັກງານ-ລັດຖະກອນ ໃຫ້ພະນັກງານ-ລັດຖະກອນຂອງ ສນຊ ຈຳນວນ 117ທ່ານ.

info@lfnd.org.la | 021 213754 | (856-21) 453191