ສູນກາງແນວລາວສ້າງຊາດ ໄດ້ຮັບປື້ມກະວີນິພົນສະດຸດີ ປະທານ ໄກສອນ ພົມວິຫານ ວິລະບຸລຸດແຫ່ງຊາດລາວ ຈຳນວນ 540 ຫົວ ລວມເປັນມູນຄ່າ 17 ລ້ານກີບ ຈາກ ທ່ານ ປອ ທອງຄຳ ອ່ອນມະນີສອນ ສິລະປິນແຫ່ງຊາດ; ຕາງໜ້າກ່າວມອບໂດຍ ພຣະອາຈານ ປອ ໄພວັນ ມາລາວົງ  ແລະ  ກ່າວຮັບໂດຍທ່ານ ບຸນທະວີ ພອນທະສິນ ຮອງຫົວໜ້າກົມສາສະໜາ ສູນກາງແນວລາວສ້າງຊາດ. ໃນວັນທີ 30 ພະຈິກ 2020 ນີ້ ທີ່ສູນກາງແນວລາວສ້າງຊາດ.

ທ່ານ ຮອງຫົວໜ້າກົມສາສະໜາ ໄດ້ສະແດງຄວາມຂອບໃຈເປັນຢ່າງສູງ ຕໍ່ພະອາຈານ ປອ ໄພວັນ ມາລາວົງ  ທີ່ໄດ້ນຳເອົາປື້ມກະວີນິພົນສະດຸດີ ປະທານ ໄກສອນ ພົມວິຫານ ວິລະບຸລຸດແຫ່ງຊາດລາວ ມາມອບໃຫ້ສູນກາງແນວລາວສ້າງຊາດ ໃນຄັ້ງນີ້.