ສູນກາງແນວລາວສ້າງຊາດ

Lao Front For National Development

ພິທີມອບຮັບເຄື່ອງຊ່ວຍເຫຼືອໃຫ້ແກ່ຄອບຄົວທຸກຍາກຢູ່ເມືອງຫລວງນຳ້ທາ.

ໃນຕອນບ່າຍຂອງວັນທີ 4 ພຶດສະພາ 2020 ນີ້, ແນວລາວສ້າງຊາດແຂວງຫລວງນຳ້ທາໄດ້ຈັດພິທີມອບຮັບເຄື່ອງຊ່ວຍເຫຼືອໃຫ້ແກ່ຄອບຄົວທຸກຍາກຢູ່ບ້ານ ນຳ້ລື ເມືອງ ຫລວງນ້ຳທາ ແຂວງ ຫລວງນ້ຳທາ ເຊິ່ງການຊ່ວຍເຫຼືອດັ່ງກ່າວແມ່ນໄດ້ຮັບການສະຫນັບສະຫນູນຈາກແນວລາວສ້າງຊາດແຂວງ ແລະ ກອງທຶນ ພັດທະນາຂັ້ນບ້ານ 4 ບ້ານ: ບ້ານໍ້າທຸງ, ບ້ານສຽງໃຕ້, ບ້ານຫນອງບົວວຽງ ແລະບ້ານຫາດຍາວ ຕາງຫນ້າມອບໂດຍ ທ່ານ ສົມຈ່າຍ ແຝງຫລ້າ ກຳມະການແນວລາວສ້າງຊາດແຂວງ ຫົວຫນ້າຫ້ອງການແນວລາວສ້າງຊາດແຂວງ ແລະ ບັນດາທ່ານປະທານກອງທຶນທັງ 4 ບ້ານ ລວມມີຜ້າຫົ່ມ ToTo ຈຳນວນ 3 ຜືນ ແລະ ເງິນຈຳນວນ 1,000,000ກີບ ,ຕາງຫນ້າຮັບໂດຍທ່ານ ຫລ້າຄູນ ຫລ້າດວງຄຳ ຮອງປະທານແນວລາວສ້າງຊາດເມືອງຫລວງນ້ຳທາ ເຊິ່ງຈະໄດ້ນຳເອົາເຄື່ອງຈໍານວນດັ່ງກ່າວ ໄປມອບໃຫ້ຄອບຄົວທຸກຍາກໃນເວລາອັນຄວນ.

info@lfnd.org.la | 021 213754 | (856-21) 453191