ສູນກາງແນວລາວສ້າງຊາດ

Lao Front For National Development

ພິທີມອບ-ຮັບເຄື່ອງຊ່ວຍເຫຼືອ

ກໍາມາທິການສາທາລະນຸປະການ ອົງການພຸດທະສາສະໜາສໍາພັນລາວ ມອບທຶນບູລະນະສ້ອມແປງທາງໃຫ້ແກ່ ສູນກາງແນວລາວສ້າງຊາດ ເພື່ອຊ່ວຍສ້ອມແປງທາງແຕ່ບ້ານນາເກືອ ເຖິງກຸ່ມບ້ານພັນທອງ (12 ບ້ານ) ເມືອງ ກວັນ ແຂວງຫົວພັນ ຈໍານວນ 100,000,000 ກີບ (ໜຶ່ງຮ້ອຍລ້ານກີບ).

ພິທີມອບ-ຮັບເງິນດັ່ງກ່າວໄດ້ຈັດຂຶ້ນ ໃນວັນທີ 04 ທັນວານີ້, ທີ່ ສູນກາງແນວລາວສ້າງຊາດ, ຕາງໜ້າມອບ ໃນຄັ້ງນີ້ແມ່ນພະອາຈານໃຫຍ່ ມະຫາເຫວດ ມະເສໄນ ຮອງປະທານ ສູນກາງ ອພສ, ພະອາຈານ ບຸນເສີຍ ເພົາພາສິດ ປະທານ ອພສ ເມືອງສີໂຄດຕະບອງ ແລະ ພະອາຈານ ພຸດທະສອນ ອ່ອນວົງສາ, ກ່າວຮັບຂອງ ທ່ານ ດຣ. ຈັນເພັງ ສຸດທິວົງ ຮອງປະທານສູນກາງແນວລາວສ້າງຊາດ ມີທ່ານ ນ. ຄໍາຈັນ ພົມແສງສະຫວັນ ຮອງປະທານບໍປະຈໍາການ ສນຊ ຫົວໜ້າຄະນະທີ່ປຶກສາວຽກງານສາສະໜາ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນໂອກາດນີ້, ທ່ານ ຮອງປະທານສູນກາງແນວລາວສ້າງຊາດ ຍັງໄດ້ສະແດງຄວາມຂອບໃຈຕໍ່ພາກສ່ວນດັ່ງກ່າວທີ່ໄດ້ນໍາເງິນມາມອບໃຫ້ສູນກາງແນວລາວສ້າງຊາດ ເພື່ອນໍາໄປຊ່ວຍເຫຼືອໃນການກໍ່ສ້າງຟື້ນຖານໂຄງລ່າງກໍ່ຄືການສ້ອມ ແປງຖະໜົນຫົນທາງ ໃຫ້ແກ່ປະຊາຊົນ ເວົ້າລວມ, ເວົ້າສະເພາະ ກໍ່ເພື່ອເປັນການເຮັດໃຫ້ປະຊາຊົນໃນເຂດບ້ານດັ່ງກ່ວເດີນທາງໄປມາ ສະດວກສະບາຍ ແລະ ມີຫົນທາງໃຊ້ໄດ້ຕະຫຼອດປີ ແລະ ຫວັງວ່າ ໂອກາດຈະໄດ້ຮັບການຊ່ວຍເຫຼືອຈາກບັນດາພະອາຈານຕື່ມອີກ.

info@lfnd.org.la | 021 213754 | (856-21) 453191