ສູນກາງແນວລາວສ້າງຊາດ

Lao Front For National Development

ພິທີມອບ-ຮັບເງິນເພື່ອນໍາໄປມອບຕໍ່ໃຫ້ແກ່ປະຊາຊົນທີ່ຖືກຜົນກະທົບຈາກໄພນໍ້າຖ້ວມຢູ່ພາກໃຕ້

ໃນວັນທີ 8 ຕຸລາ 2019 ນີ້, ຈາກວັດພົມມະກາລິຍາກາຣາມ AC Mart & Deli, Lao star TV ມອບເງີນຈໍານວນ: 6, 494 ໂດລາ ຫຼື 57, 147, 200 ກີບ ໃຫ້ແກ່ສູນກາງແນວລາວສ້າງຊາດ ໂດຍເປັນກຽດມອບຂອງທ່ານ ພູເພັດ ອຸ່ນຄໍາ ພ້ອມດ້ວຍຄະນະມາມອບໃຫ້ສູນກາງແນວລາວສ້າງຊາດ ເຊິ່ງເງິນຈໍານວນດັ່ງກ່າວແມ່ນເພື່ອນໍາໄປມອບຕໍ່ໃຫ້ແກ່ປະຊາຊົນທີ່ຖືກຜົນກະທົບຈາກໄພນໍ້າຖ້ວມຢູ່ພາກໃຕ້ ແລະ ເຂດຫ່າງໄກສອກຫຼີກ ເປັນກຽດກ່າວຮັບຂອງ ທ່ານ ເຍ່ຍເກີຢ່າ ໜໍຈໍຈົ້ງຕົວ ຮອງປະທານສູນກາງແນວລາວສ້າງຊາດ ມີບັນດາຜູ້ທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ໃນໂອກາດນີ້, ທ່ານ ຮອງປະທານ ສນຊ ໄດ້ສະແດງຄວາມຂອບໃຈຢ່າງສູງຕໍ່ທ່ານ ພູເພັດ ອຸ່ນຄໍາ ພ້ອມດ້ວຍຄະນະ ທີ່ມີນໍ້າໃຈເອື້ອເຟື້ອເພື່ອແຜ່ໃຫ້ການຊ່ວຍເຫຼືອປະຊາຊົນທີ່ຖືກໄພນໍ້າຖ້ວມຄັ້ງນີ້, ຂ້າພະເຈົ້າຕາງໜ້າໃຫ້ສູນກາງແນວລາວສ້າງຊາດ ຈະນໍາເອົາເງີນຈໍານວນດັ່ງກ່າວໄປມອບໃຫ້ຮອດມືປະຊາຊົນ ແລະ ຫວັງວ່າໂອກາດໜ້າຈະໄດ້ຮັບການຊ່ວຍເຫຼືອຈາກບັນດາທ່ານຕື່ມອີກ.

info@lfnd.org.la | 021 213754 | (856-21) 453191