ສູນກາງແນວລາວສ້າງຊາດ

Lao Front For National Development

ພິທີມອບ-ຮັບແຂນທຽມໃຫ້ຜູ້ເສຍອົງຄະ (ແຂນກຸດ)

ພິທີ ມອບ-ຮັບ ແຂນທຽມ ໄດ້ຈັດຂຶ້ນຢູ່ສູນການແພດຟື້ນຟູໜ້າທີ່ການ ໃນລະຫວ່າງວັນທີ 20-21 ກຸມພາ 2017 ນີ້, ໂດຍການ ເປັນປະທານຂອງທ່ານ ຮສ. ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ,

ມີພຣະອາຈານ ພົງສະຫວັນ ອານຸສິນ ປະທານມູນນິທິຊ່ວຍເຫຼືອຄົນທຸກຍາກ ສາຂານະຄອນຫຼວງວຽງຈັນ, ທ່ານ ນາງ ຊໍລີ ແອນນີຊາສ໌ຕອນ ( MS Sally Anne Charlton) ປະທານສະໂມສອນຊ່ວຍເຫຼືອສັງຄົມສົງເຄາະ ແລະ ພາກສ່ວນທີກ່ຽວ ຂ້ອງເຂົ້າຮ່ວມເປັນສັກຂີພິຍານ. ເຄື່ອງທີ່ນຳມາມອບໃນຄັ້ງນີ້ແມ່ນແຂນທຽມ ຈຳນວນ 200 ກວ່າອັນ ລວມເປັນມູນຄ່າ 135.000 ໂດລາ (ໜຶ່ງ​ແສນ​ສາມ​ໝື່ນ​ຫ້າ​ພັນ​ໂດ​ລາ​) ​ເຊິ່ງ​ໂຄງການ​ດັ່ງກ່າວ ໂດຍການຮ່ວມມືຂອງສູນກາງແນວລາວສ້າງ ຊາດ, ອົງການພຸດທະສາສະໜາສຳພັນລາວ, ມູນນິທິຊ່ວຍເຫຼືອຄົນທຸກຍາກ ສາຂານະຄອນຫຼວງວຽງຈັນ, ສູນການແພດ ຟື້ນຟູໜ້າທີ່ການ, ສະໂມສອນຊ່ວຍເຫຼືອສັງຄົມສົງເຄາະ (Rotary Club) ປະເທດອອດສະເຕເລຍ ແລະ ໂຄງການຊ່ວຍ ເຫຼືອກ່ຽວກັບແຂນທຽມ (Hands on Project).

ໂອກາດ​ນີ້, ທ່ານ ຮສ. ດຣ ສົມອົກ ກິ່ງສະດາ ກໍ່​ໄດ້​ກ່າວ​ສະ​ແດງ​ຄວາມ​ຂອບ​ໃຈ​ໃນ​ການ​ຊ່ວຍ​ເຫຼືອ​ໃນ​ຄັ້ງ​ນີ້​ ເຊິ່ງ​ເປັນ​ຄັ້ງ​ທຳ​ອິດ ​ແລະ ​ເປັນ​ການ​ປະກອບ​ສວນ​ຊ່ວຍ​ເຫຼືອຜູ້​ທີ່​ຖືກ​ເຄາະ​ຮ້າຍຈາກ​ລະ​ເບີດ​ທີ່​ຍັງ​ບໍ່ທັນ​ແຕກ​ເຮັດ​ໃຫ້​ເສຍ​ອົງຄະ (​ແຂນ​ກຸດ) ​ໃນ​ຂອບ​ດຂດທົ່ວ​ປະ​ເທດ ​ແລະ ​ເພື່ອ​ສາມາດ​ຊ່ວຍ​ເຫຼືອຕົນ​ເອງ​ໄດ້​ໃນ​ການ​ໃຊ້​ຊີວິດ​ປະຈຳ​ວັນ​ຂອງ​ຜູ້​ທີ່​ຖືກ​ເຄາະ​ຮ້າ​ຍດັ່ງກ່າວ ​ໃຫ້​ມີ​ຄວາມ​ສະດວກ​ສະບາຍ​ຂຶ້ນ​ກວ່າ​ເກົ່າ.

ໃນ​ຕອນ​ບ່າຍ​ຂອງ​ວັນ​ດຽວກັນທ່ານ ຮສ. ດຣ ສົມອົກ ກິ່ງສະດາ ​ໄດ້​ຮັບ​ເຄື່ອງ​ຊ່ວຍ​ເຫຼືອປະ​ເພດ​ເຄື່ອນຸ່ງ​ຮົມລວມມູນ​ຄ່າ 10 ລ້ານ​ກວ່າ​ກີບຈາກ​ສະມາຄົມ​ຜູ້​ສູງ​ອາຍຸ​ນະຄອນຫຼວງວຽງຈັນ. ​ເພື່ອ​ນຳ​ໄປ​ມອບ​ໃຫ້​ປະຊາຊົນ​ທີ່ຢູ້​ເຂດ​ຫ່າງ​ໄກ​ສອກຫຼີກຫວັງ​ວ່າ​ໂອກາດ​ໜ້າ​ຈະ​ໄດ້​ຮັບ​ການ​ຊ່ວຍ​ເຫຼືອຈາກ​ບັນດາ​ທ່ານ​ຕື່ມ​ອີກ.

info@lfnd.org.la | 021 213754 | (856-21) 453191