ສູນກາງແນວລາວສ້າງຊາດ

Lao Front For National Development

ພິທີມອບ-ຮັບໜ້າທີ່ ປະທານແນວລາວສ້າງຊາດແຂວງຫຼວງພະບາງ

ໃນວັນທີ 24 ມິຖຸນານີ້ ທີ່ຫ້ອງປະຊຸມແນວລາວສ້າງແຂວງ ໄດ້ຈັດພິທີມອບ-ຮັບ ປະທານແນວລາວສ້າງ ຊາດແຂວງຜູ້ເກົ່າ-ຜູ້ໃໝ່ ໃຫ້ກຽດເຂົ້າຮ່ວມມີຮອງປະທານ, ຕ່າງໜ້າຄະນະຈັດຕັ້ງ, ກວດກາ, ຫົວໜ້າ-ຮອງຫົວໜ້າ ຂະແໜງ ຕະຫຼອດຮອດພະນັກງານ-ລັດຖະກອນ ພາຍໃນອົງການແນວລາວສ້າງຊາດ ເຂົ້າຮ່ວມ.

ພິທີ ທ່ານ ຫຸມແພງ ແກ້ວວິຈິດ ຮອງຄະນະຈັດຕັ້ງແຂວງ ໄດ້ຂື້ນຜ່ານຂໍ້ຕົກລົງ ຂອງທ່ານ ເຈົ້າແຂວງວ່າດ້ວຍ ການປະຕິບັດໃຫ້ພະນັກງານເຂົ້າຮັບນະໂຍບາຍອຸດໜູນບໍານານ ຈໍານວນ 3 ທ່ານ ໃນນັ້ນແມ່ນ ທ່ານ ເອິງ ລໍສະຫວັນ ປະທານແນວລາວສ້າງຊາດ ຜູ້ເກົ່າ, ທ່ານ ອອ່ນຕາ ວັນນະຈັກ, ທ່ານ ສົມລິດ ຈັນທະມາລີ ຮອງປະທານແນວລາວສ້າງຊາດ ຜູ້ເກົ່າ, ມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການແຕ່ງຕັ້ງ ຄະນະໜ່ວຍພັກແນວລາວສ້າງຊາດຊຸດໃໝ່ ເພື່ອປ່ຽນແທນຊຸດເກົ່າ. ຈາກນັ້ນ, ທ່ານ ເອິງ ລໍສະຫວັນ ປະທານແນວລາວສ້າງຊາດ ຜູ້ເກົ່າ ຂື້ນຜ່ານບົດສະຫຼຸບການນໍາພາ ຈັດຕັ້ງປະຕິບັດວຽກງານແນວລາວສ້າງຊາດແຂວງ ໃນໄລຍະຜ່ານມາ ເພື່ອທົບທວນຄືນໝາກຜົນ ໃນການຊີ້ນໍາ-ນໍາພາ ໂດຍຍົກໃຫ້ເຫັນຜົນງານດ້ານດີທີ່ດີເດັ່ນ, ດ້ານອ່ອນ ແລະ ຂໍ້ຄົງຄ້າງຈໍານວນໜຶ່ງ ເພື່ອໃຫ້ປະທານຜູ້ໃໝ່ສືບຕໍ່ຊີ້ນໍາ-ນໍາພາຕໍ່ໄປ.

info@lfnd.org.la | 021 213754 | (856-21) 453191