ສູນກາງແນວລາວສ້າງຊາດ

Lao Front For National Development

ພິທີມອບ – ຮັບ ອາຄານຮຽນ ໂຮງຮຽນມັດທະຍົມຕົ້ນທົ່ງປາງບ້ານທົ່ງປາງ

ໃນວັນທີ 7 ເມສາ 2021 ນີ້ ທ່ານ ສົມເພັດ ອິນທະທິລາດ ກຳມະການສູນກາງແນວລາວສ້າງຊາດ ໄດ້ເຂົ້າຮ່ວມພິທີມອບ – ຮັບ ອາຄານຮຽນ ໂຮງຮຽນມັດທະຍົມຕົ້ນ ຢູ່ທີ່ໂຮງຮຽນມັດທະຍົມຕົ້ນທົ່ງປາງ ບ້ານ ທົ່ງປາງ, ເມືອງທ່າປາງທອງ, ແຂວງ ສະຫວັນນະເຂດ ໂດຍພາຍໃຕ້ການເຂົ້າຮ່ວມຂອງທ່ານ ປອ ຄຳມະນີ ອິນທິລາດ ອາດີດກຳມະການສູນກາງພັກ, ອາດີດລັດຖະມົນຕີ ກະຊວງພະລັງງານ ແລະ ບໍແຮ່, ທ່ານ ຈັນສອນ ແສນບຸດຕະລາດ ຮອງລັດຖະມົນ ກະຊວງພະລັງງານ ແລະ ບໍແຮ່, ມີບັນດາທ່ານໃນຄະນະປະຈຳພັກແຂວງ, ກຳມະການພັກແຂວງ, ເຈົ້າເມືອງ, ອໍານາດການປົກຄອງບ້ານ, ພໍ່ແມ່ປະຊາຊົນບ້ານທົ່ງປາງ, ບ້ານໃກ້ຄຽງ ຕະຫຼອດຮອດ ຄູອາຈານ ແລະ ນ້ອງນັກຮຽນ ແລະ ພາກສ່ວນທີ່ກ່ຽວຂອງເຂົ້າຮ່ວມຢ່າງພ້ອມພຽງ.

ທ່ານ ສີຍານ ແກ້ວຄຳບາງ ຮອງຫົວໜ້າ ຫ້ອງການ ສຶກສາທິການ ແລະ ກິລາເມືອງ ຕ່າງໜ້າໃຫ້ບໍລິສັດ ວຽງວິໄລກໍ່ສ້າງ ໄດ້ຜ່ານບົດລາຍງານການກໍ່ສ້າງວ່າ: ການກໍ່ສ້າງໂຮງຮຽນແມ່ນໄດ້ເລີ່ມແຕ່ວັນທີ 4 ມີຖຸນາ 2020 ຮອດວັນທີ 29 ກັນຍາ 2020 ແມ່ນສຳເລັດ ການກໍ່ສ້າງມີ ອານຄານ 1 ຫຼັງ, ມີຂະໜາດ 8 ແມັດ ຄູນ 35 ແມັດ, ມີ 4 ຫ້ອງຮຽນ, 1 ຫ້ອງການ, ໂຕະຕັ່ງຄູ 6 ຊຸດ, ໂຕະຕັ່ງນັກຮຽນ 60 ຊຸດ, ກະດານ 5 ແຜ່ນ, ຕິດຕັ້ງໝໍ້ແປງໄຟຟ້າ 1 ໜ່ວຍ, ພ້ອມດຶງສາຍໄຟ, ເຈາະບາດານ 1 ບໍ່, ພ້ອມຕິດຕັ້ງໃດໂປມນ້ຳ 1ໜ່ວຍ, ຕິດຕັ້ງດອກໄຟໃນໂຮງຮຽນ ແລະ ຫ້ອງນ້ຳ ຈຳນວນ15 ດອກ, ຕິດຕັ້ງພັດລົມຈຳນວນ 10 ຊຸດ, ກໍ່ສ້າງຫ້ອງນ້ຳ 1 ຫຼັງ, ມີສອງຫ້ອງ ພ້ອມຕິດຕັ້ງອ່າງລ້າງມື 2 ຊຸດ, ກໍ່ສ້າງຖານເສົາທຸງ1 ຖານ, ຂະໜາດ 150 ຊັງຕີແມັດ ຄູນ 150 ຊັງຕີແມັດ, ແລະ ກໍ່ສ້າງປ້າຍທາງເຂົ້າໂຮງຮຽນ ພ້ອມຂຽນປ້າຍຊື່ໂຮງຮຽນ 2 ຝາ ແລະ ພ້ອມທັງປັບເດີນໂຮງຮຽນ. ງົບປະມານກໍ່ສ້າງດັ່ງກ່າວ ແມ່ນໄດ້ມາຈາກການລະດົມຂອງຄອບຄົວການນຳຂັ້ນສູງກໍ່ຄື ຄອບຄົວທ່ານ ບຸນຍັງ ວໍລະຈິດ ອະດີດເລຂາທິການໃຫຍ່ ປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ແລະ ຄອບຄົວ ທ່ານ ປອ ຄຳມະນີ ອິນທິລາດ ອະດີດກຳມະການສູນກາງພັກ, ລັດຖະມົນຕີກະຊວງພະລັງງານ ແລະ ບໍແຮ່, ເຊິ່ງລະດົມທືນນຳບໍລິສັດ ພີທີ ( pT ) ຈຳກັດຜູ້ດຽວ ຈຳນວນທັງທັງໝົດ 820.521.000 ກີບ ມີທຶນປະກອບສ່ວນຂອງບ້ານທົ່ງປາງ ແລະ ບ້ານໃໝ່ໂພສີ ໃນການກໍ່ສ້າງຄັ້ງນີ້ ມີໄມ້ຄ້ຳແບບ ຈຳນວນໜຶ່ງ ພ້ອມທັງປັບເດີນ ແລະ ເຮັດຮົ້ວຮອບເດີ່ນ ເຊິ່ງລວມມູນຄາ 23.582.000 ກີບ, ລວມມູຄ່າກໍ່ສ້າງທັງໝົດ ຈຳນວນ 844.094.000 ກີບ.

ທ່ານ ປອ ຄຳມະນີ ອິນທິລາດ ເປັນກຽດກ່າວມອບອາຄານຮຽນ ໂຮງຮຽນມັດຖະຍົມຕົ້ນທົ່ງປາງ ແລະ ກ່າວຮັບໂດຍ ທ່ານ ນາງ ດວງແກ້ວ ລາຊາວົງສີ ຫົວໜ້າຫ້ອງການສຶກສາທິການ ແລະ ກິລາເມືອງ; ໃນພິທີໄດ້ມອບເງິນປະກອບສ່ວນຈາກ ທ່ານ ວົງສະຫວັນ ວໍລະຈິດ ປະທານບໍລິສັດ ວົງສະຫວັນໂລຈິດຕິກ ເພື່ອສ້ອມແປງເສັນທາງພາຍໃນເມືອງທ່າປາງທອງ ຈຳນວນ 100.000.000 ກີບ ຕ່າງໜ້າແມ່ນທ່ານ ປອ ຄຳມະນີ ອິນທິລາດ ເປັນຜູ້ມອບ ພ້ອມທັງ ອຸປະກອນການຮຽນ, ການສອນ ແລະ ອຸປະກອນກິລາ ມູນຄາ 39.000.000 ກີບ ,  ທ່ານ ຈັນສອນ ແສນບຸດຕະລາດ ໄດ້ມອບເງິນສົດ ຈຳນວນ 10.000.000 ກີບ ເພື່ອປະກອບສ່ວນເຂົ້າໃນວຽກງານບໍລິຫານຂອງເມືອງ.

 

info@lfnd.org.la | 021 213754 | (856-21) 453191