ສູນກາງແນວລາວສ້າງຊາດ

Lao Front For National Development

ພິທີມອບ – ຮັບ ຮອງປະທານແນວລາວສ້າງຊາດແຂວງຜົ້ງສາລີ

ໃນຕອນແລງຂອງວັນທີ 25 ມັງກອນ 2021 ຜ່ານມານີ້ ທີ່ຫ້ອງປະຊຸມຊັ້ນ 2 ຫ້ອງວ່າການແຂວງ ທີ່ເມີໍອງບຸນ

ເໜືອແຂວງຜົ້ງສາລີ ໄດ້ຈັດພິທີມອບ – ຮັບ ໜ້າທີ່ວຽກງານຂອງ ຮອງປະທານແນວລາວສ້າງຊາດແຂວງຜູ້ຊີ້ນຳວຽກງານຂະແໜງຊົນເຜົ່າ-ຊັ້ນຄົນການຈັດຕັ້ງສັງຄົມຂື້ນລະຫວ່າງ ທ່ານ ນາງ ສົມຈິດ ອຸແສງຄໍາ ແລະ ທ່ານ ອາໄຊ ລາວລີ ຮອງປະທານແນວລາວສ້າງຊາດແຂວງຜູ້ປະຈຳການ ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ທອງສະຫວັນ ທຳມະວົງ ກຳມະການປະຈຳພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ມີຜູ້ຕາງໜ້າຈາກຄະນະຈັດຕັ້ງແຂວງ, ຄະນະກວດກາພັກ – ລັດແຂວງ, ພະແນກພາຍໃນແຂວງ ແລະ ຕະຫຼອດຮອດພະນັກງານລັດຖະກອນແນວລາວສ້າງແຂວງເຂົ້າຮ່ວມ.

ໃນພິທີຄະນະຈັດຕັ້ງໄດ້ກ່າວຈຸດປະສົງ ແລະ ຮຽນເຊີນ ທ່ານ ຄຳເສດ ລາວລີ ຕາງໜ້າຄະນະຈັດຕັ້ງແຂວງ ຂຶ້ນຜ່ານມະຕິຕົກລົງຂອງເຈົ້າແຂວງ ສະບັບເລກທີ 174 /ຈຂ,ຜລ, ລົງວັນທີ 21 ມັງກອນ 2021 ວ່າດ້ວຍການຍົກຍ້າຍພະນັກງານໄປປະຈຳການຢູ່ຂະແໜງການອຶ່ນ; ຈາກນັ້ນ ທ່ານ ນາງ ສົມຈິດ ອຸແສງຄຳ ຮອງປະທານແນວລາວສ້າງຊາດແຂວງ ຂຶ້ນຜ່ານບົດສະຫຼູບການຊີ້ນຳ – ນໍາພາວຽກງານຂະແໜງຊົນເຜົ່າ-ຊັ້ນຄົນການຈັດຕັ້ງສັງຄົມໃນຕະຫຼອດໄລຍະຜ່ານມາ ແລະ ຂຶ້ນຜ່ານບົດບັນທຶກມອບ-ຮັບວຽກງານພ້ອມທັງເຊັນມອບວຽກງານທີ່ຊີ້ນຳມາ ແລະ ເຊັນຮັບໂດຍ ທ່ານ ອາໄຊ ລາວລີ ຮອງປະທານແນວລາວສ້າງຊາດແຂວງ.

ໃນຕອນທ້າຍຂອງພິທີ ທ່ານ ທອງສະຫວັນ ທຳມະວົງ ກຳມະການປະຈຳພັກແຂວງ, ປະທານແນວລາວສ້າງຊາດແຂວງ ກໍ່ໄດ້ມີຄຳເຫັນໂອ້ລົມຕໍ່ພິທີ ເຊິ່ງກ່ອນອຶ່ນ ທ່ານກໍ່ໄດ້ກ່າວສະແດງຄວາມຍ້ອງຍໍຊົມເຊີຍຜົນງານການເຄຶ່ອນໄຫວ ແລະ ຊີ້ນຳໃນໄລຍະຜ່ານມາ ພ້ອມດຽວກັນນັ້ນ ທ່ານຍັງໄດ້ເນັ້ນໜັກບາງບັນຫາໃຫ້ບັນດາທ່ານຕ້ອງເອົາໃຈໃສ່ເປັນຕົ້ນແມ່ນສຶບຕໍ່ຮັກສາມູນເຊີໍ້ອການປະຕິບັດໜ້າທີ່ວຽກງານຂອງອົງການແນວລາວສ້າງຊາດ ເປັນແຕ່ລະໄລຍະສິງສຳຄັນສຶບຕໍ່ເຕົ້າໂຮມຄວາມສາມັກພາຍໃນໃຫ້ເປັນປຶກແຜນແໜ້ນໜາ, ພ້ອມກັນຈັດຕັ້ງປະຕິບັດປັບປຸງອົງການຈັດຕັ້ງມະຫາຊົນໃນສະເພາະໜ້າຕາມຄວາມເໝາະສົມ ແລະ ສຶບຕໍ່ເອົາໃຈໃສ່ຕໍ່ໜ້າທີ່ວຽກງານການກໍ່ສ້າງພັກ, ພະນັກງານໃຫ້ສອດຄ່ອງກັບສະພາບຄວາມເປັນຈິງເປັນກ້າວໆ.

info@lfnd.org.la | 021 213754 | (856-21) 453191