ສູນກາງແນວລາວສ້າງຊາດ

Lao Front For National Development

ພິທີສະເຫຼີມສະຫຼອງວັນເດັກນ້ອຍສາກົນ ແລະ ວັນປຸກຕົ້ນໄມ້ແຫ່ງຊາດ

ໃນວັນທີ 1 ມິຖຸນາ 2018, ທີ່ສູນກາງແນວລາວສ້າງຊາດ (ສນຊ) ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ແລະ ວັນປຸກຕົ້ນໄມ້ແຫ່ງຊາດ ຂຶ້ນຢ່າງເປັນທາງການ ໂດຍເປັນກຽດເຂົ້າຮ່ວມຂອງທ່ານ ນາງ ຄໍາຈັນ ພົມແສງສະຫວັນ ຮອງປະທານ ສນຊ, ມີບັນດາທ່ານຮອງປະທານ ສນຊ, ຫົວໜ້າ-ຮອງຫົວໜ້າກົມ, ຫ້ອງການ, ພະນັກງານ-ລັດຖະກອນ ພໍ່-ແມ່ ແລະ ເດັກ ນ້ອຍເຂົ້າຮ່ວມ.

ພິທີສະເຫຼີມສະຫຼອງວັນເດັກນ້ອຍສາກົນຄັ້ງນີ້, ທ່ານ ແກ້ວຈະເລີນ ເຊ່ຍຢີ້ງຢ່າງ ຄະນະບໍລິຫານງານສູນກາງຊາວໜຸ່ມໄດ້ຜ່ານປະ ຫວັດຄວາມເປັນມາຂອງວັນເດັກນ້ອຍສາກົນ ແລະ ວັນປຸກຕົ້ນໄມ້ແຫ່ງຊາດເພື່ອເປັນການທົບທວນຄືນ ການຈັດຕັ້ງປະຕິບັດພັນທະຕໍ່ສາກົນ ແລະ ພາກພື້ນອາຊຽນ ໃນວຽກສິດທິເດັກນ້ອຍ, ວຽກປ້ອງກັນ ແລະ ລືບລ້າງການໃຊ້ຄວາມຮຸນແຮງຕໍ່ເດັກ ນ້ອຍ, ເພື່ອຮັບປະກັນການຢູ່ລອດ, ການພັດທະນາ, ການປົກປ້ອງ ແລະ ການມີສ່ວນຮ່ວມຂອງເດັກນ້ອຍທຸກຄົນ, ເຮັັດໃຫ້ເດັກລາວບັນດາເຜົ່າ ໄດ້ມີໄວທີ່ເຕັມໄປດ້ວຍຄວາມສຸກ, ຄວາມຮັກອັນອົບອຸ່ນ ແລະ ໄດ້ຮັບການເບິ່ງແຍງດູແລເອົາໃຈໃສ່ເປັນຢ່າງດີ ຈາກພໍ່-ແມ່, ຄອບຄົວ ແລະ ສັງຄົມ ທັງໝົດນັ້ນ ເປັນການສັນລະເສີນ ແລະ ປົກປ້ອງສິດທິເດັກນ້ອຍ, ດັ່ງນັ້ນ ມື້ນີ້, ພວກເຮົາຈຶ່ງພ້ອມກັນສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ຢ່າງເປັນຂະບວນຟົດຟື້ນ.

ໃນໂອກາດນີ້, ທ່ານ ນາງ ຄໍາຈັນ ພົມແສງສະຫວັນ ໄດ້ໃຫ້ຮູ້ວ່າ: ຂ້າພະເຈົ້າຂໍຕາງໜ້າໃຫ້ການນໍາພັກ-ລັດ ອວຍພອນໃຫ້ເດັກນ້ອຍທຸກຄົນ ທີ່ເປັນລູກ, ຫຼານ ແລະ ເປັນອະນາຄົດທີ່ດີຂອງຊາດລາວເຮົາ ຈົ່ງມີສຸຂະພາບເຂັ້ມແຂງ ແລະ ຕາງໜ້າໃນການຝຶກຝົນ ຫຼໍ່ຫຼອມຕົນເອງ ໃຫ້ເປັນຄົນດີຂອງສັງຄົມ, ເປັນເດັກນ້ອຍໃນວັນນີ້ເປັນຜູ້ໃຫຍ່ໃນວັນໜ້າ ທີ່ມີຄວາມຮູ້ຄວາມສາມາດ, ມີຄວາມຮັບຜິດຊອບ, ມີຄຸນສົມບັດສິນທໍາປະຕິບັດ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດ ຊາດໃນອະນາຄົດ.

info@lfnd.org.la | 021 213754 | (856-21) 453191