ພິທີເຊັນສັນຍາຮ່ວມມືລະຫວ່າງ ສູນກາງແນວລາວສ້າງຊາດ ກັບ ບໍລິສັດພັດທະນາກະສິກຳຈົ່ງຈູ້ ຈຳກັດ ຜູ້ດຽວ

ໂດຍເປັນກຽດເຂົ້າຮ່ວມ ມີທ່ານ ຄໍາໃບ ດໍາລັດ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ, ມີ ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ, ທ່ານ ບົວເງີນ ຫຸມໄຊຍະພັນ ຮອງເລຂາພັກແຂວງ ຮອງເຈົ້າແຂວງໆ ຊຽງຂວາງ, ທ່ານ ຢາງຊິງຫຼົງ ປະທານບໍລິສັດພັດທະນາກະສິກຳຈົ່ງຈູ້ ຈຳກັດ ຜູ້ດຽວ ພ້ອມດ້ວຍພາກສ່ວນຕ່າງໆ ທັງສອງຝ່າຍເຂົ້າຮ່ວມ ທີ່ໂຮງແຮມດອນຈັນ ພາເລດ ວັນທີ 20 ມີນາ 2021

ພິທີເຊັນສັນຍາດັ່ງກ່າວຕາງໜ້າສູນກາງແນວລາວສ້າງຊາດ ໂດຍທ່ານ ດຣ ຈັນເພັງ ສຸດທິວົງ ຄະນະປະຈຳສູນກາງແນວລາວສ້າງຊາດ, ຫົວໜ້າຫ້ອງການ ຕາງໜ້າບໍລິສັດ ໂດຍທ່ານ ທ່ານ ຢາງຊິງຫຼົງ ປະທານບໍລິສັດພັດທະນາກະສິກຳຈົ່ງຈູ້ ຈຳກັດ ຜູ້ດຽວ

ຈຸດປະສົງປະສົງຂອງການຮ່ວມມືແມ່ນເພື່ອນສ້າງສູນສາທິດ ແນໃສ່ຫຼຸດຜ່ອນຄວາມທຸກຍາກຂອງປະຊາຊົນລາວບັນດາເຜົ່າ ດ້ວຍການລ້ຽງສັດປະເພດ: ແກະ, ແບ້ ແລະ ງົວໃນຮູບແບບສີນສັນ ຂອງ ສປ ຈີນ, ສະຖານທີ່ຈັດຕັ້ງປະຕິບັດໂຄງການ ແມ່ນຢູ່ເມືອງແປກ ແຂວງຊຽງຂວາງ ດ້ວຍງົບປະມານ 20 ລ້ານກ່ວາ ໂດລາ ສະຫະລັດ.

ໂດຍ: ເລົ່າລໍ່