ສູນກາງແນວລາວສ້າງຊາດ

Lao Front For National Development

ພິທີເຜີຍແຜ່ເຊື່ອມຊຶມເອກະສານສຳຄັນຂອງພັກ, ຂອງຊາດ

ວັນທີ 3 ສິງຫາ 2021ນີ້, ຢູ່ທີ່ຫ້ອງປະຊຸມອົງການແນວລາວສ້າງຊາດ ແຂວງຫຼວງນໍ້າທາ ໄດ້ຈັດຕັ້ງເຜີຍແຜ່ເຊື່ອມຊຶມບັນດເອກະສານສຳຄັນຕ່າງໆຂອງພັກ ຂອງຊາດຂື້ນ, ໂດຍການເປັນປະທານຂອງສະຫາຍ ດຣ ຄຳຈັນ ອິນທອງໄຊ ກຳມະການປະຈຳພັກແຂວງ ປະທານແນວລາວສ້າງຊາດແຂວງ, ມີບັນດາສະຫາຍ ຮອງປະທານ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານ-ລັດຖະກອນພາຍໃນອົງການແນວລາວສ້າງຊາດແຂວງເຂົ້າຮ່ວມ.

ເອກະສານທີ່ນຳມາເຜີຍແຜ່ໃນຄັ້ງນີ້ມີ: ມະຕິວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດໃນໄລຍະໃໝ່, ມະຕິວ່າດ້ວຍການເພີ່ມທະວີການນຳພາຂອງພັກຕໍ່ວຽກງານວັດທະນາທຳໃນໄລຍະໃໝ່, ວັນສ້າງຕັ້ງພັກກອມມູນິດອິນດູຈີນ, ວັນເກີດຂອງ ປະທານສຸພານຸວົງ, ວັນສັນຍາມິດຕະພາບ-ການຮ່ວມມື ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ.

ການເຜີຍແຜ່ ເຊືອມຊືມໃນຄັ້ງນີ້ ເພື່ອໃຫ້ພະນັກງານ-ລັດຖະກອນ ພາຍໃນອົງການໄດ້ຮັບຮູ້ ແລະ ເຂົ້າໃຈກ່ຽວກັບມູນເຊື້ອ, ເນື້ອໃນຈິດໃຈວິທີນຳພາຂອງພັກແຕ່ລະໄລຍະ ເພື່ອຜັນຂະຫຍາຍເຂົ້າສູ່ວຽກງານຕົວຈິງ, ແບບແຜນວິທີເຮັດວຽກທີ່ຖືກຕ້ອງ ສອດຄ່ອງໄລຍະໃໝ່, ການຫັນປຽ່ນແນວທາງດ້ານແນວຄິດ-ຈິນຕະນາການ, ຍົກສູງການເມືອງ-ແນວຄິດ, ຍົກສູງນໍາໃຈເສຍສະຫຼະ, ເພີມທະວີຄວາມສາມັກຄີພາຍໃນພັກ ແລະ ພາຍໃນສັງຄົມໃຫ້ໜັກແໜ້ນເຂັ້ມແຂງ ແລະ ເຄື່ອນໄຫວຈັດຕັ້ງປະຕິບັດໃຫ້ແທດເໝາະກັບໜ້າທີ່ວຽກງານຂອງຕົນໃຫ້ມີຜົນສຳເລັດຕາມລະດັບຄາດໝາຍ.

 

info@lfnd.org.la | 021 213754 | (856-21) 453191