ສູນກາງແນວລາວສ້າງຊາດ

Lao Front For National Development

ພິທີ ຕ້ອນຮັບຄະນະຜູ້ແທນຂັ້ນສູງຂອງສະພາທີ່ປຶກສາການເມືອງທົ່ວປະເທດຈີນ

ທ່ານ ຄໍາໃບ ດໍາລັດ ກໍາມະການສູນກາງພັກ, ຮອງປະທານ ສູນກາງແນວລາວສ້າງຊາດ (ສນຊ) ພ້ອມດ້ວຍຄະນະໄດ້ຕ້ອນຮັບຄະນະຜູ້ແທນຂັ້ນສູງຂອງສະພາທີ່ປຶກສາການເມືອງທົ່ວປະເທດຈີນ ທີ່ມາຢ້ຽມຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການໃນຄັ້ງວັນທີ 16-19 ພະຈິກ 2019 ນີ້, ຊິ່ງນໍາໂດຍ ທ່ານ ຫວາງ ຢາງ ກໍາມະການປະຈໍາກົມການເມືອງສູນກາງພັກກອມມູນິດຈີນ, ປະທານສະພາທີ່ປືກສາການເມືອງທົ່ວປະເທດຈີນ ພ້ອມດ້ວຍຄະນະ ຢູ່ທີ່ສະໜາມບິນສາກົນວັດໄຕ.

ໃນການມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້, ຈະໄດ້ມີການພົບປະສອງຝ່າຍລະຫວ່າງຄະນະກໍາມະການສູນກາງແນວລາວສ້າງຊາດ ແລະ ສະພາທີ່ປືກສາການເມືອງທົ່ວປະເທດຈີນ ເພື່ອເສີມຂະຫຍາຍສາຍພົວພັນຮ່ວມມືລະຫວ່າງສອງປະເທດໃຫ້ ສປ ຈີນ ແລະ ສປປ ລາວ ໂດຍສະເພາະແມ່ນສອງອົງການ ສູນກາງແນວລາວສ້າງຊາດ ແລະ ສະພາທີ່ປຶກສາການເມືອງທົ່ວປະເທດຈີນໃຫ້ແໜ້ນແຟັນບົນຈິດໃຈຄູ່ຮ່ວມມືຍຸດທະສາດຮອບດ້ານຄວາມໝັ້ນຄົງ, ຍາວນານ ແລະ ຄູ່ຮ່ວມສະຕາກໍາ ລາວ-ຈີນ ທີ່ໄດ້ເຊັນສັນຍານໍາກັນຄັ້ງວັນທີ 19 ມິນາ 2019 ໃຫ້ປະກົດຜົນເປັນຈິງ.

info@lfnd.org.la | 021 213754 | (856-21) 453191