ສູນກາງແນວລາວສ້າງຊາດ

Lao Front For National Development

ມວນຊົນ 4 ແຂວງພາກເໜືອ ຕ້ອນຮັບຂະບວນທຳມະຍາດຕຣາ 5 ແຜ່ນດິນ

ວັນທີ 19 ຕຸລາ 2019, ໂຄງການທຳມະຍາດຕຣາ 5 ແຜ່ນດິນລຸ່ມແມ່ນ້ຳຂອງ ຄັ້ງທີ 2 ໄດ້ເດີນທາງມາຮອດ ແຂວງບໍ່ແກ້ວ ໂດຍຜ່ານດ່ານຂົວມິດຕະພາບ ໄທ-ລາວ ແຫ່ງທີ 4 ເມືອງຊຽງຂອງ-ເມືອງຫ້ວຍຊາຍ; ທ່ານ ດາລີວັນ ພູ ສະຫວັນ ປະທານແນວລາວສ້າງຊາດ ແຂວງບໍ່ແກ້ວ ໄດ້ນຳພາຄະນະນຳຂັ້ນແຂວງ, ພະນັກງານ-ລັດຖະກອນ, ນັກ ຮຽນ-ເຍົາວະຊົນ ຈຳນວນ 600 ກວ່າຄົນ ອອກມາຕ້ອນຄະນະຮັບຢ່າງອົບອຸ່ນ.

ເມື່ອຄະນະເດີນທາງຮອດເມືອງວຽງພູຄາ ທ່ານ ນາງ ລັດສະໝີ ມິ່ງບຸບຜາ ປະທານແນວລາວສ້າງຊາດ ແຂວງ ຫຼວງນ້ຳທາ ໄດ້ນຳພາຄະນະນຳອອກມາຕ້ອນຮັບ ພ້ອມທັງກ່າວສະແດງຄວາມຕ້ອນຮັບ ເຊິ່ງມີເນື້ອໃນບາງຕອນວ່າ: ເປັນ ຄັ້ງທຳອິດທີ່ໄດ້ຕ້ອນຮັບຄະນະທຳມະຍາດຕຣາ 5 ແຜ່ນດິນລຸ່ມແມ່ນ້ຳຂອງ 5 ປະເທດ: ໄທ, ມຽນມ້າ, ລາວ, ຫວຽດ ນາມ ແລະ ກຳປູເຈຍ, ເມື່ອໄດ້ຮັບແຈ້ງການວ່າຄະນະດັ່ງກ່າວຈະເດີນທາງຜ່ານມາທາງແຂວງຫຼວງນ້ຳທາ ເຮັດໃຫ້ປະຊາ ຊົນກໍ່ຄືຊາວພຸດທະສາສະນິກະຊົນພາຍໃນແຂວງມີຄວາມດີໃຈທີ່ໄດ້ມີໂອກາດຕ້ອນຮັບ, ໄດ້ໃຫ້ຄວາມຮ່ວມມືເປັນຢ່າງ ດີ ແລະ ກໍ່ຖືວ່າເປັນຄວາມໂຊກດີທີ່ຈະໄດ້ເຮັດບຸນຮ່ວມກັນຕາມຄວາມເຊື່ອຂອງຊາວພຸດ, ໃນໄລຍະການເດີນທາງຜ່ານ ແຕ່ລະບ້ານໄດ້ມີປະຊາຊົນອອກມາຮ່ວມສົ່ງ ແລະ ຖວາຍນ້ຳ ເພື່ອຄວາມເປັນສິລິມຸ່ງຄຸນແກ່ຊີວິດ; ຈາກນັ້ນ, ຄະນະໄດ້ ເດີນທາງຫາເມືອງໄຊ ແຂວງອຸດດົມໄຊ ໂດຍມີພິທີຕ້ອນຮັບຢູ່ວັດພູທາດ ໂດຍທ່ານ ໂອວາດ ຈັນທະວົງ ປະທານແນວ ລາວສ້າງຊາດແຂວງ ໄດ້ຕາງໜ້າອົງການປົກຄອງແຂວງ ກໍ່ຄືປະຊາຊົນທົ່ວແຂວງອຸດົມໄຊ ຂໍສະແດງຄວາມພາກພູມໃຈ ແລະ ຍິນດີຕ້ອນຮັບຄະນະຜູ້ແທນທຳມະຍາດຕຣາ 5 ປະເທດ ທີ່ໄດ້ເລືອກເອົາແຂວງອຸດົມໄຊ ເປັນທີ່ພັກ ແລະ ດຳເນີນ ກິດຈະກຳທາງສາສະໜາຈຳນວນໜຶ່ງ; ໂອກາດນີ້, ທ່ານ ສຸພະໄຊ ວິຣະພຸຊົງ ເລຂາທິການສະຖາບັນໂພທິຄະຍາຊະຊາໄລ ພ້ອມດ້ວຍຄະນະໄດ້ມອບເງິນ ຈຳນວນ 110.000 ບາດ (ໜຶ່ງແສນໜຶ່ງໝື່ນບາດໄທ) ໃຫ້ອົງການພຸດທະສາສະໜາສຳ ພັນລາວ ແຂວງອຸດົມໄຊ ເພື່ອຮັບໃຊ້ໃນການບູລະນະວັດ ແລະ ກໍ່ສ້າງຫໍກອງ ຢູ່ວັດພູທາດ;
ໃນຕອນເຊົ້າຂອງວັນຕໍ່ມາ ໄດ້ມີພິທີໃສ່ບາດ ປະສົງ 5 ປະເທດ ໂດຍເລີ່ມຈາກສະໂມສອນກິລາແຂວງ ດ້ວຍ ໄລຍະທາງ 1 ກິໂລແມັດ ໂດຍມີຊາວພຸດທະສາສະນິກະຊົນທົ່ວແຂວງອຸດົມໄຊ ເຂົ້າຮ່ວມໃສ່ບາດຢ່າງຫຼວງຫຼາຍ; ຈາກ ນັ້ນ, ຄະນະທຳ ມະຍາດຕຣາ 5 ແຜນດິນ ໄດ້ເດີນທາງໄປນະມັດສະການພະເຈົ້າສິງຄຳ ຢູ່ເມືອງຫຼາ ແລະ ສືບຕໍ່ເດີນທາງ ໄປປະເທດຫວຽດນາມ ຜ່ານດ່ານ ແຂວງຜົ້ງສາລີ-ດຽນບຽນຟູ.

info@lfnd.org.la | 021 213754 | (856-21) 453191