ໂດຍປະຕິບັດຕາມໜັງສືແຈ້ງຂ່າວ ຂອງຄະນະປະຈຳສູນກາງແນວລາວສ້າງຊາດ ວ່າດ້ວຍການປະກອບສ່ວນຊ່ວຍເຫຼືອຜູ້ທີ່ໄດ້ຮັບຜົນກະທົບຈາກໄພທຳມະຊາດ ຢູ່ແຂວງຫົວພັນ ໃນໄລຍະຜ່ານມາ. ໃນວັນທີ 3 ກັນຍາ 2024 ນີ້ ທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ ພ້ອມດ້ວຍຄະນະໄດ້ມອບເຄື່ອງອຸປະໂພກ ແລະ ບໍລິໂພກຈຳນວນໜຶ່ງ ແລະ ເປັນກຽດກ່າວຮັບໂດຍພະອາຈານ ວັນຄຳ  ວົງສາສຸລິນ ຫົວໜ້າກຳມະທິການປົກຄອງສົງ ສູນກາງອົງການພຸດທະສາສະໜາສຳພັນລາວ, ເຈົ້າອະທິການວັດໂພນສະອາດ ເມືອງໄຊເສດຖາ ນະຄອນຫຼວງວຽງຈັນ ເພື່ອນຳໄປມອບຕໍ່ໃຫ້ແຂວງຫົວພັນ.

ເຄື່ອງທີ່ມອບໃນຄັ້ງນີ້ແມ່ນໄດ້ມາຈາກການປຸກລະດົມສັງຄົມ ແລະ ຜູ້ທີ່ມີນ້ຳໃຈບໍລິຈາກຊ່ວຍເຫຼືອຜູ້ທີ່ປະສົບໄພທຳມະຊາດ ໃນໄລຍະຜ່ານມາ.

ຂ່າວ+ພາບ: ຢຢ

ບກ: ກົງແກ້ວ