ສູນກາງແນວລາວສ້າງຊາດ

Lao Front For National Development

ມອບ-ຮັບ ຄອມພິວເຕີ

ສູນກາງແນວລາວສ້າງຊາດ ໄດ້ຮັບຄອມພິວເຕີ ຕັ້ງໂຕະ ຈຳນວນ 9 ຊຸດ ລວມມູນຄ່າທັງໝົດ 23 ລ້ານກວ່າກີບ ຈາກ ກຸ່ມບໍລິສັດພົງສະຫວັນ ກ່າວຮັບໂດຍທ່ານ ຮສ. ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ພ້ອມດ້ວຍພາກ ສ່ວນທີ່ກ່ຽວຂ້ອງເຂົ້າຮ່ວມ ໃນວັນທີ 18 ສິງຫາ 2017.

ທ່ານ ຮສ. ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ໄດ້ຕາງໜ້າຄະນະພັກ-ຄະນະນຳ ສູນກາງແນວ ລາວສ້າງຊາດ ໄດ້ສະແດງຄວາມຂອບໃຈເປັນຢ່າງຍິ່ງ ຕໍ່ກັບຜູ້ມີນ້ຳໃຈເອື້ອເຝື້ອເພື່ອແຜ່ທີ່ໄດ້ມອບເຄື່ອງຊ່ວຍເຫຼືອໃນຄັ້ງນີ້ ແລະ ເຄື່ອງຈໍານວນດັ່ງກ່າວ ຈະນໍາໄປມອບໃຫ້ແນວລາວສ້າງຊາດແຂວງ ທີ່ຍັງຂາດເຂີນອຸປະກອນທີ່ນໍາໃຊ້ເຂົ້າໃນການປະຕິບັດວຽກ ງານ ໂດຍສະເພາະແມ່ນຄອມພິວເຕີ ໃນໂອກາດທີ່ທ່ານປະທານສູນກາງແນວລາວສ້າງຊາດ ໄດ້ເດີນທາງໄປເຮັດວຽກຢູ່ 3 ແຂວງ ພາກໃຕ້ ແລະ ທ່ານຈະໄດ້ນໍາເອົາຄອມພິວເຕີໄປມອບໃຫ້ແຂວງດັ່ງກ່າວ ແລະ ຫວັງວ່າໂອກາດໜ້າຈະໄດ້ຮັບການຊ່ວຍເຫຼືອຈາກ ທ່ານຕື່ມອີກ.

info@lfnd.org.la | 021 213754 | (856-21) 453191