ສູນກາງແນວລາວສ້າງຊາດ

Lao Front For National Development

ທ່ານ ສີສະຫວາດ ແກ້ວບຸນພັນ ຢ້ຽມຢາມ ແລະ ເຮັດວຽກຢູ່ແຂວງຫຼວງນໍ້າທາ

ໃນລະຫວ່າງ ວັນທີ 7-9 ພະຈິກ 2017 ນີ້, ທ່ານ ສີສະຫວາດ ແກ້ວບຸນພັນ ອາດີດກໍາມະການກົມການເມືອງສູນກາງພັກ, ອາດີດປະທານສູນກາງແນວລາວສ້າງຊາດ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຫຼວງນໍ້າທາ ເປັນກຽດຕ້ອນຮັບຂອງ ທ່ານ ເພັດຖາວອນ ພິລາວັນ ກໍາມະການສູນກາງພັກ, ເລຂາພັກແຂວງ ເຈົ້າແຂວງຫຼວງນໍ້າທາ ພ້ອມດ້ວຍຄະນະນໍາ ທີ່ສະໜານ ບິນແຂວງຫຼວງນໍ້າທາ.

ໃນໂອກາດນີ້, ທ່ານ ສີສະຫວາດ ແກ້ວບຸນພັນ ໄດ້ພົບປະໂອ້ລົມຄະນະພັກ, ຄະນະນໍາຂອງແຂວງຫຼວງນໍ້າທາ. ໃນນີ້, ທ່ານເຈົ້າແຂວງໆຫຼວງນໍ້າທາໄດ້ລາຍງານສະພາບລວມ ແລະ ຈຸດພິເສດຂອງແຂວງ ໂດຍສະເພາະການພັດທະນາເສດຖະ ກິດ-ສັງຄົມ ຂອງແຂວງໃຫ້ຮັບຊາບ.

ທ່ານ ສີສະຫວາດ ແກ້ວບຸນພັນ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານຂອງຄະນະພັກ-ຄະນະນໍາຂອງແຂວງ ທີ່ຍາດມາໄດ້, ແຕ່ຄຽງຄູ່ກັບຜົນງານແລ້ວຄະນະພັກ, ຄະນະນໍາແຕ່ລະຂັ້ນຕ້ອງໄດ້ເພີ່ມທະວີໃນການເຕົ້າໂຮມຄວາມສາມັກຄີ ປອງດອງປະຊາຊົນລາວບັນດາເຜົ່າພາຍໃນແຂວງ ຊຸກຍູ້ປະຊາຊົນລາວບັນດາເຜົ່າເຂົ້າຮ່ວມທຸກຂະບວນການທີ່ສໍາຄັນຂອງ ຊາດ, ຂອງແຂວງເປັນຕົ້ນແມ່ນເປັນເຈົ້າຕົນເອງໃນການປົກປັກຮັກສາ ແລະ ສ້າງສາພັດທະນາປະເທດຊາດ, ສືບຕໍ່ປຸກລະ ດົມປະຊາຊົນທໍາການຜະລິດເປັນສິນຄ້າ ເພື່ອແກ້ໄຂຄວາມທຸກຍາກຂອງປະຊາຊົນເຮັດໃຫ້ແຂວງຫຼວງນໍ້າທານັບມື້ຮັ່ງມີຂຶ້ນ ເລື້ອຍໆ.

info@lfnd.org.la | 021 213754 | (856-21) 453191