ສູນກາງແນວລາວສ້າງຊາດ

Lao Front For National Development

ສນຊ ຂະຫຍາຍສະມາຊິກພັກໃໝ່

ໜ່ວຍພັກຫ້ອງການ ແລະ ກົມຊົນເຜົ່າ ສູນກາງແນວລາວສ້າງຊາດ (ສນຊ) ໄດ້ຈັດພິທີຮັບມະຫາຊົນກ້າວໜ້າເຂົ້າເປັນສະ ມາຊິກພັກສຳຮອງ 2 ສະຫາຍ ແລະ ເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ 3 ສະຫາຍ. ເປັນກຽດເຂົ້າຮ່ວມ ຂອງສະຫາຍ ຄໍາໃບ ດໍາລັດ ກຳມະການສູນກາງພັກ ຮອງເລຂາຄະນະພັກ ຮອງປະທານສູນກາງແນວລາວສ້າງຊາດ, ມີບັນດາ ສະຫາຍຄະນະພັກ, ເລຂາໜ່ວຍພັກ, ຮອງເລຂາໜ່ວຍພັກ, ຕາງໜ້າອົງການຈັດຕັ້ງມະຫາຊົນ ແລະ ສະມາຊິກພັກຂອງ 2 ໜ່ວຍພັກດັ່ງກ່າວເຂົ້າຮ່ວມ ທີ່ຫ້ອງປະຊຸມ ຊັ້ນ 2 ສນຊ, ໃນວັນທີ 29 ມິຖຸນາ ປີ 2017 ນີ້.

ໂອກາດນີ້, ສະຫາຍ ຄໍາໃບ ດໍາລັດ ເປັນກຽດໂອ້ລົມຕໍ່ພິທີ ເຊິ່ງກ່ອນອື່ນໄດ້ສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍ ທີ່ໄດ້ຮັບເປັນສະມາຊິກພັກສຳຮອງ ແລະ ເລື່ອນເປັນສະມາຊິກພັກສົມບູນ ຄັ້ງນີ້, ທີ່ມີຄວາມບຸກບືນຕໍ່ໜ້າທີ່ວຽກງານ ຕາມ ການມອບໝາຍຢ່າງຕັ້ງໜ້າ ແລະ ມີຜົນສຳເລັດ ໃນໄລຍະຜ່ານມາ ເພື່ອສ້າງເງື່ອນໄຂຢ່າງຄົບຖ້ວນໃຫ້ກາຍເປັນສະມາຊິກ ພັກສຳຮອງ ແລະ ສົມບູນ ຕາມລະບຽບຂອງພັກ.

ພ້ອມກັນນັ້ນ, ສະຫາຍຮອງເລຂາຄະນະພັກ ໄດ້ຮຽກຮ້ອງໃຫ້ສະມາຊິກພັກສຳຮອງ ແລະ ສົມບູນ ທີ່ເຂົ້າໃໝ່ ຈົ່ງເພີ່ມທະວີໃນ ການຊອກຮູ້ຮ່ຳຮຽນກຳແໜ້ນ 5 ຫຼັກການ, 3 ທິດນໍາຂອງພັກ, ກໍາແໜ້ນກົດລະບຽບ, ມະຕິ ແລະ ແນວທາງນະໂຍບາຍ ຂອງພັກ ເພື່ອໃຫ້ເຂົ້າໃຈຢ່າງເລິກເຊິ່ງ ແລະ ໄດ້ເນັ້ນຕື່ມໃນການເອົາໃຈໃສ່ເຝິກຝົນຫຼໍ່ຫຼອມຕົນເອງໃຫ້ມີຄວາມຮູ້-ຄວາມສາ ມາດ, ມີຄຸນສົມບັດພຽງພໍ, ເປັນສະມາຊິກພັກເຂັ້ມແຂງທາງດ້ານການເມືອງ-ແນວຄິດ, ການຈັດຕັ້ງ ແລະ ຮູ້ຕອບຕ້ານປະ ກົດການຫຍໍ້ທໍ້ຕ່າງໆໃນຖັນແຖວພັກ-ພະນັກງານ ເພື່ອປະກອບສ່ວນສ້າງໃຫ້ໜ່ວຍພັກປອດໃສ, ໜັກແໜ້ນ ແລະ ເຂັ້ມ ແຂງ.

info@lfnd.org.la | 021 213754 | (856-21) 453191