ສູນກາງແນວລາວສ້າງຊາດ

Lao Front For National Development

ສນຊ ຈັດພິທີສົ່ງຄະນະຜູ້ແທນຂັ້ນສູງ ເຂົ້າຮ່ວມກອງປະຊຸມສາກົນເສີມສ້າງຊາຍແດນສັນຕິພາບ-ມິດຕະພາບ ລາວ-ຫວຽດນາມ

ສູນກາງແນວລາວສ້າງຊາດ (ສນຊ) ໄດ້ຈັດພິທີສົ່ງຄະນະຜູ້ແທນຂັ້ນສູງ ຄະນະກຳມະການສູນກາງແນວລາວສ້າງຊາດ ເຂົ້າ ຮ່ວມກອງປະຊຸມສາກົນເສີມສ້າງຊາຍແດນສັນຕິພາບ, ມິດຕະພາບ ລາວ-ຫວຽດນາມ ຄັ້ງທີ VI ທີ່ແຂວງກວາງບິ໋ງ ສສ ຫວຽດ ນາມ.

ເຊິ່ງນໍາໂດຍ ທ່ານ ຄໍາໃບ ດໍາລັດ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ ພ້ອມຄະນະ, ເປັນກຽດເຂົ້າ ຮ່ວມໃນພິທີຄັ້ງນີ້ມີທ່ານ ນາງ ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ, ທ່ານ ຟານມິງຈຽນ ທີ່ປຶກສາ ທູດຝ່າຍການເມືອງ, ມີບັນດາທ່ານຮອງປະທານ, ຫົວໜ້າກົມ, ຮອງຫົວໜ້າກົມ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ ທີ່ ຫ້ອງຮັບແຂກ ສູນກາງແນວລາວສ້າງຊາດ ໃນວັນທີ 10 ກໍລະກົດ 2017 ນີ້.

ກອງປະຊຸມນີ້ຈະໄດ້ແລກປ່ຽນ, ສົນທະນາ ແລະ ຢັ້ງຢືນຫຼາຍບັນຫາທີ່ມີຜົນປະໂຫຍດໃຫ້ແກ່ທັງສອງຝ່າຍ ເຊິ່ງໃນກອງປະ ຊຸມໄດ້ທົບທວນຄືນຜົນການຈັດຕັ້ງປະຕິບັດແຈ້ງການຮ່ວມ ວ່າດ້ວຍໝາກຜົນຂອງກອງປະຊຸມສາກົນກ່ຽວກັບການເສີມສ້າງ ເສັ້ນຊາຍແດນສັນຕິພາບ, ມິດຕະພາບ ລາວ-ຫວຽດນາມ 2 ປີຜ່ານມາ ທີ່ ສປປ ລາວ; ໂອກາດດັ່ງກ່າວ, ຄະນະຜູ້ແທນກໍ່ຍັງຈະ ໄດ້ເຮັດວຽກຮ່ວມກັບແນວໂຮມແຂວງກວາງບິ໋ງ, ທ່ຽວຊົມສະຖານທີ່ທ່ອງທ່ຽວທາງປະຫວັດສາດ ແລະ ວັດທະນະທຳຈໍານວນໜຶ່ງ ຕື່ມອີກ. ການໄປຢ້ຽມຢາມ ແລະ ເຮັດວຽກ ຂອງຄະນະຜູ້ແທນຄັ້ງນີ້ ໃນລະຫວ່າງວັນທີ 13-16 ກໍລະກົດ.

info@lfnd.org.la | 021 213754 | (856-21) 453191