ໃນວັນທີ 14 ກັນຍາ 2024 ນີ້, ຄະນະຮັບຜິດຊອບປຸກລະດົມຊ່ວຍເຫຼືອບັນເທົາທຸກຜູ້ປະສົບໄພພິບັດຂອງສູນກາງແນວລາວສ້າງຊາດ ນໍາໂດຍທ່ານ ດຣ ນາງ ອິນລາວັນ ແກ້ວບຸນພັນ ກໍາມະການສູນກາງພັກ, ຮອງປະທານ ສນຊ, ຫົວໜ້າຄະນະຮັບຜິດຊອບປຸກລະດົມຊ່ວຍເຫຼືອບັນເທົາທຸກຜູ້ປະສົບໄພພິບັດຂອງ ສນຊ ພ້ອມດ້ວຍຄະນະໄດ້ນໍາເອົາເປົ້າໃສ່ຊາຍຈໍານວນ 35,000 ໜ່ວຍມູນຄ່າ 122 ລ້ານກີບ ແລະ ເຂົ້າກ່ອງ 300 ຊຸດມູນຄ່າ 9 ລ້ານກີບໄປມອບໃຫ້ນະຄອນຫຼວງວຽງຈັນ ຕາງໜ້າຮັບໂດຍທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫຼວງວຽງຈັນ,ໂດຍເປັນກຽດເຂົ້າຮ່ວມຂອງທ່ານ ດຣ ນາງ ອິນລາວັນ ແກ້ວບຸນພັນ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ, ມີຫຼາຍພາກສ່ວນເຂົ້າຮ່ວມ.

ຊຶ່ງເປົ້າຈໍານວນດັ່ງກ່າວໄດ້ນໍາເອົາໄປມອບໃຫ້ແກ່ ຈຸດທີ່ເຝົ້າລະວັງຄື: ບ້ານດ່ານຄໍາ, ເຂດເກົ້າລ້ຽວ-ໜອງດາ, ເມືອງສີໂຄດຕະບອງ, ທ່າເຮືອ ຫຼັກ 4 , ເມືອງສີສັດຕະນາກ, ເມືອງຫາດຊາຍຟອງ.