ສູນກາງແນວລາວສ້າງຊາດ

Lao Front For National Development

ສນຊ ປາຖະກະຖາວັນຕ້ານການສໍ້ລາດບັງຫຼວງສາກົນ

ສູນກາງແນວລາວສ້າງຊາດ (ສນຊ) ໄດຈັດຕັ້ງປາຖະກະຖາວັນຕ່ານການສໍ້ລາດບັງຫຼວງສາກົນ ຄົບຮອບ 14 ປີ (ທັນວາ 2003-9 ທັນວາ 2017) ຂຶ້ນໃນວັນທີ 4 ມັງກອນນີ້ ທີ ສນຊ ໂດຍການໃຫ້ກຽດປະຖະກະຖາຂອງທ່ານ ນາງ ຄຳຈັນ ພົມແສງສະຫວັນ ຮອງປະທານ ສນຊ ຊຶ່ງມີບັນດາຄະນະນຳ, ແຂກຖືກເຊີນ ພ້ອມດ້ວຍພະນັກງານ-ລັດຖະກອນ ພາຍໃນ ສນຊ ເຂົ້າຮ່ວມ.

ໃນການປາຖະກະຖາ, ທ່ານ ນາງ ຄຳຈັນ ພົມແສງສະຫວັນ ໄດ້ຍົກໃຫ້ເຫັນເຖິງປະຫວັດຄວາມເປັນມາຂອງວັນຕ້ານການສໍ້ລາດບັງຫຼວງສາກົນ, ການຈັດຕັ້ງປະຕິບັດການສະກັດກັ້ນ ແລະ ຕ້ານການສໍ້ລາດບັງຫຼວງຢູ່ ສປປ ລາວ ໃນໜຶ່ງປີຜ່ານມາ ແລະ ວາງທິດທາງໜ້າທີ່ໃນສະເພາະໜ້າ.


ການຈັດຕັ້ງປາຖະກະຖາໃນຄັ້ງນີ້, ເພື່ອເປັນການເຮັດໃຫ້ພະນັກງານ-ລັດຖະກອນພາຍໃນ ສນຊ ກຳແໜ້ນເຊື່ອມຊຶມ ແລະ ເຂົ້າໃຈແຈ້ງຕໍ່ໄພ້ອັນຕະຫຼາຍຮ້າຍແຮງຂອງການສໍ້ລາດບັງຫຼວງ ຊຶ່ງຈຸດປະສົງກໍ່ເພື່ອເຮັດໃຫ້ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງໄດ້ກາຍເປັນໜ້າທີ ແລະ ຄວາມຮັບຜິດຊອບຂອງທົ່ວປວງຊົນໃນການຕິດຕາມ, ກວດກາ, ແກ້ໄຂພຶດຕິກຳທີ່ເປັນການສໍ້ລາດບັງຫຼວງຮ່ວມກັນຢ່າງກ້ວາງຂວາງ, ເລິກເຊິ່ງ.

info@lfnd.org.la | 021 213754 | (856-21) 453191