ສູນກາງແນວລາວສ້າງຊາດ

Lao Front For National Development

ສນຊ ປຶກສາຫາລືກະກຽມສ້າງຫຼັກສູດຝຶກອົບຮົມ ວຽກງານແນວລາວສ້າງຊາດ

ສູນຝຶກອົບຮົມ ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມປຶກສາຫາລືກະກຽມສ້າງຫຼັກສູດຝຶກອົບຮົມວຽກງານ ແນວລາວສ້າງຊາດ ໃຫ້ກຽດເຂົ້າຮ່ວມຂອງທ່ານ ນາງ ຄຳຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ ຜູ້ຊີ້ນຳສູນຝຶກອົບຮົມ, ມີບັນດາຫົວໜ້າກົມ, ຮອງຫົວໜ້າກົມ, ຮອງຫົວໜ້າຫ້ອງການ ແລະ ພະນັກງານທີ່​ກ່ຽວຂ້ອງ​ຈຳນວນ​ໜຶ່ງເຂົ້າຮ່ວມ ທີ່ສູນຝຶກອົບຮົມ ສນຊ, ໃນວັນທີ 15 ມິຖຸນາ ປີ 2017 ນີ້,

ກອງປະຊຸມປຶກສາຫາລືຄັ້ງນີ້, ທ່ານ ປອ ບຸນຈອມ ວົງເພັດ ຫົວໜ້າສູນຝຶກອົບຮົມ ສນຊ ໄດ້ສະເໜີເນື້ອໃນຈຸດປະສົງຂອງ ການສ້າງຫຼັກສູດຝຶກອົບຮົມວຽກງານແນວລາວສ້າງຊາດ ໃຫ້ຜູ້​ເຂົ້າ​ຮ່ວມ​ໄດ້​ຮັບ​ຊາບ ເພື່ອປຶກສາຫາລື ແລະ ເປັນເອກະພາບ ກັນ. ພ້ອມກັນນີ້, ໄດ້ສັງລວມການກຳນົດຫົວຂໍ້ເອກະສານຫຼັກສູດຝຶກອົບຮົມ, ໄດ້ຕັ້ງຄະນະຮັບຜິດຊອບໃນການ ສ້າງເອກະ ສານຝຶກອົບຮົມຂອງແຕ່ລະພາກສ່ວນ, ໄດ້ກໍານົດຈຸດປະສົງ ແລະ ລະດົບຄາດໝາຍຂອງຫຼັກສູດ ເພື່ອໃຫ້ເໝາະສົມໃນການ ນຳມາຈັດຝຶກອົບຮົມໃຫ້ພະນັກງານແນວລາວສ້າງຊາດ ໃຫ້ເຂົ້າໃຈກ່ຽວກັບວຽກງານໃນຂົງ​ເຂດແນວລາວສ້າງຊາດຢ່າງເລິກ ເຊິ່ງຕື່ມອີກ. ພ້ອມກັນນີ້, ໄດ້ມີ​ການປະກອບຄຳຄິດຄຳເຫັນຢ່າງກົງໄປກົງມາ ແລະ ໄດ້ເຫັນດີເປັນເອກະພາບກັນເອົາ 7 ຫົວ ຂໍ້ຄື: ທັດສະນະຂອງພັກ-ນະໂຍບາຍຂອງລັດ ຕໍ່ວຽກງານແນວລາວສ້າງຊາດ; ທີ່ຕັ້ງ, ພາລະບົດບາດ, ສິດ ແລະ ໜ້າທີ່ ຂອງ ອົງການແນວລາວສ້າງຊາດ; ວຽກງານຊົນເຜົ່າຂອງແນວລາວສ້າງຊາດ, ວຽກງານສາສະໜາຂອງແນວລາວສ້າງຊາດ, ວຽກ ງານອົງການຈັດຕັ້ງສັງຄົມຂອງແນວລາວສ້າງຊາດ, ວຽກງານຕິດຕາມກວດກາແນວລາວສ້າງຊາດ, ວຽກງານບໍລິຫານຫ້ອງ ການຂອງແນວລາວສ້າງຊາດ ແລະ ວຽກງານໂຄສະນາ-ອົບຮົມ.

ໂອກາດນີ້, ທ່ານຮອງປະທານ ສນຊ ກໍ່ໄດ້ເນັ້ນຕື່ມອີກວ່າ: ເອກະສານທີ່ສ້າງຂຶ້ນແມ່ນຕ້ອງໃຊ້ໄດ້ຫຼາຍເປົ້າໝາຍ, ການເລືອກ ເຟັ້ນເອົາບົດສຳຄັນມາຮັບໃຊ້ຕົວຈິງ ແລະ ປະຕິບັດຕາມວຽກງານຂອງກົມໃດແມ່ນໃຫ້ກົມນັ້ນລົງເລິກຕື່ມອີກ, ອັນໃດທີ່ຍັງບໍ່ ມີແມ່ນຕ້ອງສຸມໃສ່ ເພື່ອເປັນການສືບຕໍ່ຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ X ຂອງແນວລາວສ້າງຊາດ, ລົງເລິກໃນການ ຈັດຕັ້ງຜັນຂະຫຍາຍແຜນການ ເຊິ່ງເປັນແຜນງານທີ IV ຂອງການສ້າງຄວາມເຂັ້ມແຂງ ໃຫ້ອົງການແນວລາວສ້າງຊາດ ກໍ່ຄື ພະນັກງານ ທີ່ເຮັດວຽກງານແນວລາວສ້າງຊາດແຕ່ລະຂັ້ນ.

info@lfnd.org.la | 021 213754 | (856-21) 453191