ສູນກາງແນວລາວສ້າງຊາດ

Lao Front For National Development

ສນຊ ປຸກລະດົມຮ່ວມນໍ້າໃຈໄປອັດຕະປື

ວັນທີ 26 ກໍລະກົດ 2018 ນີ້, ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມປຸກລະດົມນໍ້າໃຈ ເພື່ອປະກອບສ່ວນ ຊ່ວຍເຫຼືອປະຊາຊົນຜູ້ໄດ້ຮັບຜົນກະທົບຈາກຄູກັນນໍ້າເຈື່ອນຂອງເຂື່ອນໄຟຟ້າເຊປຽນ-ເຊນໍ້ານ້ອຍ ທີ່ແຂວງອັດຕະປື ໂດຍການ ເປັນປະປະທານກອງປະຊຸມຂອງທ່ານ ຮສ.ດຣ ສົມອົກ ກິ່ງສະດາ, ຄະນະພັກ, ຮອງປະທານ ສນຊ, ມີບັນດາຄະນະປະຈໍາ, ສະມາ ຊິກພັກ-ພະນັກງານ ຂອງ ສນຊ ແລະ ຜູ້ຕາງໜ້າສາສະໜາຕ່າງໆ ພ້ອມດ້ວຍອົງການໃຈບຸນເຂົ້າຮ່ວມ.

ທ່ານ ຮສ.ດຣ ສົມອົກ ກິ່ງສະດາ ໄດ້ອ່ານແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 1105/ຫສນຍດ ນະຄອນຫຼວງວຽງຈັນ ວັນທີ 24/7/2018 ແລະ ຂໍ້ຕົກລົງແຕ່ງຕັ້ງຄະນະຮັບຜິດຊອບສະເພາະກິດຂອງ ສນຊ ໃນການ ຮັບຜິດຊອບເຄື່ອງຊ່ວຍເຫຼືອ ທີ່ເປັນວັດຖຸປັດໃຈ ແລະ ທືນຮອນຕ່າງໆ ຈາກພາຍໃນ ແລະ ພາຍນອກ ທີ່ມີເຈດຈໍານົງປະ ກອບສ່ວນຊ່ວຍເຫຼືອໃຫ້ປະຊາຊົນ ທີ່ໄດ້ຮັບຜົນກະທົບຈາກໄພພິບັດ ນໍ້າຖ້ວມ ທີ່ເມືອງສະໜາມໄຊ ແຂວງອັດຕະປື. ພ້ອມກັນນີ້ ທ່ານໄດ້ຮຽກຮ້ອງໃຫ້ທຸກພາກສ່ວນການຈັດຕັ້ງ ແລະ ບຸກຄົນທີ່ມີນໍ້າໃຈ ຈົ່ງໃຫ້ຄວາມເຫັນອົກເຫັນໃຈກັນຊ່ວຍເຫຼືອກັນຕາມ ເງື່ອນໄຂ ແລະ ຄວາມສາມາດຕົວຈິງ.

info@lfnd.org.la | 021 213754 | (856-21) 453191