ສູນກາງແນວລາວສ້າງຊາດ

Lao Front For National Development

ສນຊ ມອບເງິນສົດຊ່ວຍເຫຼືອຜູ້ປະສົບໄພນ້ຳຖ້ວມ ໃຫ້ກະຊວງແຮງງານ ແລະ ສະຫວັດດີການສັງຄົມ

ສູນກາງແນວລາວສ້າງຊາດ(ສນຊ) ມອບເງີນຊ່ວຍເຫຼືອ ຈຳນວນ 70 ລ້ານກີບ ໃຫ້ກະຊວງແຮງງານ ແລະ ສະຫວັດດີການສັງຄົມ ໃນວັນທີ 6 ສິງຫາ 2018 ນີ້, ຕາງໜ້າກ່າວມອບໂດຍ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ, ກ່າວຮັບໂດຍທ່ານ ນາງ ໃບຄຳ ຂັດທິຍະ ຮອງລັດຖະມົນຕີກະຊວງແຮງງານ ແລະ ສະ ຫວັດດີການສັງຄົມ.

ທ່ານ ຮອງປະທານ ສນຊ ກ່າວວ່າ: ເງິນສົດຈຳນວນດັ່ງກ່າວນັ້ນ ແມ່ນໄດ້ມາຈາກການປຸກລະດົມຈາກພາກສ່ວນຕ່າງໆ ໃນສັງ ຄົມ; ຫ້າງຮ້ານ, ບໍລິສັດ, ນິຕິບຸກຄົນທັງພາຍໃນ ແລະ ຕ່າງປະເທດ ນັບແຕ່ວັນທີ 26 ກໍລະກົດ ເປັນຕົ້ນມາ ພາຍຫຼັງມີແຈ້ງ ການຈາກສຳນັກງານນາຍົກລັດຖະມົນຕີ ແລະ ຂໍ້ຕົກລົງແຕ່ງຕັ້ງຄະນະຮັບຜິດຊອບສະເພາະກິດຂອງ ສນຊ ໄດ້ພ້ອມກັນລະ ດົມວັດຖຸປັດໃຈຕ່າງໆ ເພື່ອປະກອບສ່ວນຊ່ວຍເຫຼືອຜູ້ປະສົບໄພນໍ້າຖ້ວມ ໃນຄັ້ງນີ້ ລວມທັງໝົດເປັນມູນຄ່າ 923 ລ້ານກວ່າກີບ ແລະ ໄດ້ນຳໄປມອບແລ້ວ 644 ລ້ານກວ່າກີບ. ສ່ວນທີ່ຍັງເຫຼືອແມ່ນ ສນຊ ຈະສືບຕໍ່ນຳໄປຊ່ວຍເຫຼືອປະຊົນຊົນຜູ້ປະສົບໄພນ້ຳຖ້ວມ ຢູ່ບັນດາແຂວງພາກກາງ ແລະ ພາກເໜືອ ຕື່ມອີກ.

ພ້ອມກັນນີ້, ທ່ານ ຮອງລັດຖະມົນຕີ ກໍໄດ້ສະແດງຄວາມຍ້ອງຍໍຊົມເຊີຍ ສນຊ ທີ່ໄດ້ຊ່ວຍລະດົມເຄື່ອງຊ່ວຍເຫຼືອຜູ້ປະສົບໄພ ພິບັດໃນຄັ້ງນີ້ ແລະ ສະແດງຄວາມຂອບໃຈເປັນຢ່າງຍິ່ງ ຕໍ່ສູນກາງແນວລາວສ້າງຊາດ ທີ່ໄດ້ນຳເອົາເງີນຈຳນວນດັ່ງກ່າວໄປມອບໃຫ້ກະຊວງແຮງງານ ແລະ ສະຫວັດດີການສັງຄົມ.

info@lfnd.org.la | 021 213754 | (856-21) 453191