ສູນກາງແນວລາວສ້າງຊາດ

Lao Front For National Development

ສນຊ ຮັບເງິນສົດຊ່ວຍເຫຼືອຜູ້ປະສົບໄພນ້ຳຖ້ວມ

ສູນກາງແນວລາວສ້າງຊາດ(ສນຊ) ໄດ້ຮັບເງີນຊ່ວຍເຫຼືອຈຳນວນ 15,990,000 ກີບ ຈາກທ່ານ ນາງ ມະນີລາ ສຸວັນດອນ(ທ່ານ ນາງ ໄກ່ ໂອເວີແດນ)ນັກສິລະປິນຂອງລາວ ໃນວັນທີ 24 ສິງຫາ 2018 ນີ້, ຕາງໜ້າ ສນຊ ຮັບໂດຍ ຮສ.ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ.

ທ່ານ ນາງ ມະນີລາ ສຸວັນດອນ ໄດ້ສະແດງຄວາມເສຍໃຈຕໍ່ເຫດການໄພນ້ຳຖ້ວມທີ່ເກີດຂຶ້ນຢູ່ບັນດາແຂວງຕ່າງໆຂອງລາວ ແລະ ທ່ານກໍໄດ້ປະກອບສ່ວນວັດຖຸປັດໄຈເປັນເງີນສົດຈຳນວນ 15,990,000 ກີບ ມາມອບໃຫ້ ສນຊ ເພື່ອນໍາໄປມອບຕໍ່ໃຫ້ປະຊາຊົນບັນດາເຜົ່າທີ່ໄດ້ຮັບຜົນກະທົບຈາກໄພນ້ຳຖ້ວມໃນປີ 2018 ນີ້.

ພ້ອມກັນນີ້, ທ່ານ ຮອງປະທານ ສນຊ ກໍໄດ້ສະແດງຄວາມຍ້ອງຍໍຊົມເຊີຍ ແລະ ສະແດງຄວາມຂອບໃຈເປັນຢ່າງຍິ່ງ ຕໍ່ທ່ານ ນາງ ມະນີລາ ສຸວັນດອນ ທີ່ໄດ້ປະກອບສ່ວນປັດໄຈເປັນເງີນຈຳນວນດັ່ງກ່າວນີ້ ມາມອບໃຫ້ ສນຊ ແລະ ເງີນຈຳນວນດັ່ງກ່າວ ສນຊ ຈະນຳໄປມອບຕໍ່ໃຫ້ຮອດມືຂອງປະຊາຊົນ ເພື່ອຊ່ວຍບັນເທົາ ແລະ ເປັນຂັວນກຳລັງໃຈ ໃນການແກ້ຄວາມຫຍຸ້ງຍາກຂອງປະຊາຊົນອີກດ້ວຍ.

info@lfnd.org.la | 021 213754 | (856-21) 453191