ສູນກາງແນວລາວສ້າງຊາດ

Lao Front For National Development

ສນຊ ຮັບເງີນຊ່ວຍເຫຼືອຜູ້ປະສົບໄພພິບັດ ເມືອງສະໜາມໄຊ ແຂວງອັດຕາປື

ຫຼາຍພາກສ່ວນຍັງສືບຕໍ່ຊ່ວຍເຫຼືອຜູ້ປະສົບໄພນ້ຳຖ້ວມ ຢູ່ບັນດາແຂວງທົ່ວປະເທດ. ໃນວັນທີ 17 ກັນຍາ 2018 ນີ້, ທ່ານ ດຣ ນາງ ວິພາວັນ ພົມວິຫານ ພັນລະຍາປະທານສູນກາງແນວລາວສ້າງຊາດ ໄດ້ຕາງໜ້າພະທຳມະທູດສາຍອິນເດຍ ແລະ ເນປານ ມອບເງິນຊ່ວຍເຫຼືອໃຫ້ຜູ້ປະສົບໄພນ້ຳຖ້ວມ ຢູ່ເມືອງສະໜາມໄຊ ໃນຈຳນວນ 120,000 ບາດ(ເງິນໄທ) ໃຫ້ແກ່ສູນກາງແນວລາວສ້າງຊາດ

ເພື່ອນຳໄປມອບຕໍ່ໃຫ້ປະຊາຊົນ ຜູ້ທີ່ຖືກປະສົບໄພພິບັດ ຢູ່ເມືອງດັ່ງກ່າວ. ເປັນກຽດກ່າວຮັບໂດຍ ທ່ານ ຈັນເພັງ ສຸດທິວົງ ກຳມະ ການສູນກາງແນວລາວສ້າງຊາດ, ຫົວໜ້າຫ້ອງການສູນກາງແນວລາວສ້າງຊາດ.

ພ້ອມກັນນີ້, ທ່ານ ຫົວໜ້າຫ້ອງການສູນກາງແນວລາວສ້າງຊາດ ກໍໄດ້ສະແດງຄວາມຂອບໃຈເປັນຢ່າງຍິ່ງຕໍ່ ທ່ານ ດຣ ນາງ ວິພາວັນ ພົມວິຫານ ທີ່ໄດ້ນໍາເອົາເງີນຈໍານວນດັ່ງກ່າວມາມອບໃຫ້ສູນກາງແນວລາວສ້າງຊາດ ແລະ ເງີນທີ່ໄດ້ຮັບໃນຄັ້ງນີ້ ສູນກາງແນວລາວສ້າງຊາດ ຈະນຳໄປມອບຕໍ່ໃຫ້ປະຊາຊົນທີ່ໄດ້ຮັບໄພພິບັດ ຢູ່ແຂວງອັດຕາປື.

info@lfnd.org.la | 021 213754 | (856-21) 453191