ສູນກາງແນວລາວສ້າງຊາດ

Lao Front For National Development

ສນຊ ເຊື່ອມຊືມການສ້າງເອກະສານທາງການ

ຫ້ອງການສູນກາງແນວລາວສ້າງຊາດ ໄດ້ຈັດກອງປະຊຸມຝຶກອົບຮົມການສ້າງເອກະສານທາງການ ໃຫ້ພະນັກງານຫຼັກແຫຼ່ງ ໃນວັນທີ 27 ເມສາ ປີ 2017 ນີ້ ທີ່ສູນກາງແນວລາວສ້າງຊາດ,

ເປັນກຽດເຂົ້າຮ່ວມຂອງທ່ານ ຈັນເພັງ ສຸດທິວົງ ກຳມະການສູນກາງແນວລາວສ້າງຊາດ ຫົວໜ້າຫ້ອງການສູນກາງແນວລາວສ້າງຊາດ, ມີວິທະຍາກອນຈາກກະຊວງພາຍໃນຕາງໜ້າໂດຍທ່ານ ມູນຕີ ອະຣິຍະວົງສາ ຮອງຫົວໜ້າກົມສຳເນົາເອກະສານແຫ່ງຊາດແລະ ມີພະນັກງານລັດຖະກອນອ້ອມຂ້າງສູນກາງແນວລາວສ້າງຊາດເຂົ້າຮ່ວມ.

ທ່ານ ມູນຕີ ອະຣິຍະວົງສາ ໄດ້ເຜີຍແຜ່ດຳລັດວ່າດ້ວຍເອກະສານທາງການເຊັ່ນ: ບົດບັນຍັດທົ່ວໄປ ເພື່ອຮັບປະກັນໃນການສ້າງເອກະສານທາງການ, ການຄຸ້ມຄອງເອກະສານເຂົ້າ-ອອກ ທີ່ນອນຢູ່ໃນອົງການຈັດຕັ້ງດຽວກັນແມ່ນຕ້ອງລວມສູນຢູ່ບ່ອນດຽວ ກັນ, ວຽກງານສຳເນົາເອກະສານໃຫ້ມີການຄຸ້ມຄອງມະຫາພາກ, ການທໍາລາຍເອກະສານທີ່ໝົດຄຸນຄ່າດ້ານຂໍ້ມູນຂ່າວສານ ແລະວຽກງານຄຸ້ມຄອງ-ກວດກາເອກະສານທາງການ; ເຜີຍແຜ່ຄຳແນະນຳກ່ຽວກັບການຈັດຕັ້ງປະຕິບັດເນື້ອໃນບາງມາດຕາຂອງດຳ ລັດວ່າດ້ວຍເອກະສານທາງການສະບັບເລກທີ່ 239/ລບ ລົງວັນທີ 13 ສິງຫາ ປີ 2015 ໂດຍແນໃສ່ການຈັດຕັ້ງປະຕິບັດຕົວຈິງກ່ຽວກັບວຽກງານຄຸ້ມຄອງ ແລະ ສຳເນົາເອກະສານໃຫ້ເປັນເອກະພາບ, ຖືກຕ້ອງ, ສອດຄ່ອງກັບສະພາບຄວາມເປັນຈິງ ແລະ ບັນ ລຸຈຸດປະສົງໃນຂອບເຂດທົ່ວປະເທດ. ໃນນີ້, ຍັງໄດ້ສະເໜີກ່ຽວກັບການເອົາຮູບແບບເອກະສານບໍລິຫານທົ່ວໄປຄັດຕິດຄຳແນະນຳກ່ຽວກັບການຈັດຕັ້ງປະຕິບັດດຳລັດວ່າດ້ວຍເອກະສານທາງການສະບັບເລກທີ 02/ພນ, ລົງວັນທີ 05 ເມສາ ປີ 2016 ມາເຜີຍ ແຜ່ໃຫ້ສຳມະນາກອນຮັບຮູ້ຕື່ມອິກ.

ພ້ອມກັນນີ້ທ່ານ ໄທລໍ່ ຫວາເຊັ້ງ ຮອງຫົວໜ້າຫ້ອງການສູນກາງແນວລາວສ້າງຊາດ ກໍ່ໄດ້ສະແດງຄວາມຂອບໃຈເປັນຢ່າງສູງຕໍ່ວິທະຍາກອນທີ່ມາຈາກກະຊວງພາຍໃນ ແລະ ຍັງເນັ້ນອີກວ່າ ໃຫ້ສຳມະນາກອນທຸກທ່ານຈົ່ງນຳເອົາດຳລັດວ່າດ້ວຍເອກະສານທາງ ການໄປປະຕິບັດໃຫ້ໄດ້ຮັບຜົນດີຂື້ນກ່ວາເກົ່າ.

info@lfnd.org.la | 021 213754 | (856-21) 453191