ສູນກາງແນວລາວສ້າງຊາດ

Lao Front For National Development

ສນຊ ເຜີຍແຜ່ມະຕິກອງປະຊຸມຄົບຄະນະ ຂອງຄະນະບໍລິຫານງານສູນກາງພັກ ຄັ້ງທີ 5 ສະໄໝທີ X

ສູນກາງແນວລາວສ້າງຊາດ (ສນຊ) ເຜີຍແຜ່ມະຕິກອງປະຊຸມຄົບຄະນະ ຂອງຄະນະບໍລິຫານງານສູນກາງພັກ ຄັ້ງທີ 5 ສະໄໝທີ X, ເປັນກຽດເຜີຍແຜ່ຂອງ ສະຫາຍ ຄຳໃບ ດຳລັດ ກຳມະການສູນກາງພັກ ຮອງເລຂາຄະນະພັກ ສູນກາງແນວລາວສ້າງຊາດ, ມີບັນດາສະຫາຍຄະນະພັກ, ເລຂາ-ຮອງເລຂາໜ່ວຍພັກ ອ້ອມຂ້າງ ສນຊ, ກຳມະການ ສນຊ ອ້ອມຂ້າງສູນກາງທີ່ເປັນສະມາຊິກ ພັກ ຕະຫຼອດຮອດສະມາຊິກພັກ ແລະ ພະນັກງານ-ລັດຖະກອນ ສນຊ ເຂົ້າຮ່ວມ, ໃນວັນທີ 7 ພະຈິກ 2017.

ສະຫາຍ ຄຳໃບ ດຳລັດ ໄດ້ເຜີຍແຜ່ມະຕິ 5 ຂອງສູນກາງພັກ ກ່ຽວກັບການຕີລາຄາ ສະພາບການເຄື່ອນໄຫວຊີ້ນຳ-ນຳພາຂອງ ພັກໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າໂດຍສັງເຂບ ເປັນຕົ້ນວຽກງານຂົງເຂດປ້ອງກັນຊາດ-ປ້ອງກັນຄວາມ ສະຫງົບ ແມ່ນສາມາດເຮັດໃຫ້ສະພາບການຢູ່ບາງເຂດຫຼໍ່ແຫຼມເຂົ້າສູ່ສະພາບປົກກະຕິ, ສາມາດສະກັດກັ້ນ ແລະ ທັບມ້າງການ ເຄື່ອນໄຫວມ້າງເພທຳລາຍຄວາມສະຫງົບຂອງສັງຄົມ; ການປັບປຸງບູລະນະກົງຈັກການຈັດຕັ້ງລັດໄດ້ສືບຕໍ່ເອົາໃຈໃສ່ ໂດຍສຸມ ໃສ່ການປັບປຸງພາລະບົດບາດຂອງກະຊວງ, ອົງການ ຈຳນວນໜຶ່ງ ທີ່ໄດ້ສັບຊ້ອນກົງຈັກການຈັດຕັ້ງຄືນໃໝ່ ເຮັດໃຫ້ຈະແຈ້ງ ແລະ ຮັດກຸມກວ່າເກົ່າ; ວຽກງານເສດຖະກິດ, ວັດທະນະທຳ-ສັງຄົມ, ການຕ່າງປະເທດ, ຂົງເຂດນິຕິບັນຍັດ, ວຽກງານແນວ ລາວສ້າງຊາດ ແລະ ອົງການຈັດຕັ້ງມະຫາຊົນ ຂອງພັກ ໄດ້ເສີມຂະຫຍາຍບົດບາດໃນການຕິດຕາມ, ກວດກາການເຄື່ອນໄຫວ ຂອງອົງການຈັດຕັ້ງ ແລະ ພະນັກງານພັກ-ລັດ, ໂດຍສະເພາະໃນການແກ້ໄຂບັນຫາຮີບດ່ວນຕ່າງໆ, ກໍາສະພາບແນວຄິດຄໍາ ຄິດເຫັນຂອງປະຊາຊົນ ເພື່ອສະເໜີໃຫ້ພາກສ່ວນກ່ຽວຂ້ອງແກ້ໄຂ; ການເຄື່ອນໄຫວຊີ້ນຳ-ນຳພາ ຂອງຄະນະບໍລິຫານງານສູນ ກາງພັກ ແຕ່ນີ້ຫາກອງປະຊຸມ ຄັ້ງທີ 6 ສະໄໝທີ X ແມ່ນສຸມໃສສ້າງການຫັນປ່ຽນອັນແຂງແຮງ ຢູ່ພາຍໃນພັກຕິດພັນກັບ ການຜັນຂະຫຍາຍຜົນຂອງບັ້ນດຳເນີນຊີວິດການເມືອງປັບປຸງປົວແປງທົ່ວພັກ ແນໃສ່ສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ສືບຕໍ່ຫັນລົງກໍ່ສ້າງຮາກຖານການເມືອງ, ຍົກລະດັບຄວາມສາມາດປະຕິບັດໜ້າທີ່ປ້ອງກັນຊາດ-ປ້ອງກັນ ຄວາມສະຫງົບ, ສືບຕໍ່ຕິດຕາມກຳແໜ້ນການຜັນແປຕ່າງໆຂອງສະພາບສາກົນ, ຄົ້ນຄວ້າ ວິໄຈບັນດາຜົນກະທົບຕ່າງໆ, ປັບ ປຸງກົນໄກການຄຸ້ມຄອງ ແລະ ຍົກລະດັບດ້ານການບໍລິການທ່ອງທ່ຽວໃຫ້ເປັນສ່ວນໜຶ່ງ ຂອງການກະກຽມເປີດປີທ່ອງທ່ຽວ ລາວ 2018.


ໂອກາດດັ່ງກ່າວ, ສະຫາຍ ຮອງເລຂາຄະນະພັກ ສນຊ ຍັງໄດ້ເນັ້ນໃຫ້ໃຫ້ຄະນະພັກ, ເລຂາໜ່ວຍພັກ, ສະມາຊິກພັກ ແລະ ພະ ນັກງານ-ລັດຖະກອນ ສນຊ ພ້ອມກັນຍົກສູງຄວາມຮັບຜິດຊອບ ແລະ ເປັນເຈົ້າການໃນການເຊື່ອມຊຶມ, ກຳແໜ້ນ ແລະ ຈັດ ຕັ້ງຜັນຂະຫຍາຍມະຕິກອງປະຊຸມຄົບຄະນະ ຄັ້ງທີ 5 ສະໄໝທີ X ຂອງຄະນະບໍລິຫານງານສູນກາງພັກ ໃຫ້ເປັນຂະບວນຟົດ ຟື້ນ, ແຂງແຮງ, ຕໍ່ເນື່ອງເຮັດໃຫ້ວຽກງານຈຸດສຸມທີ່ສູນກາງພັກວາງອອກ ໄດ້ຮັບການຈັດຕັ້ງປະຕິບັດ ແລະ ມີຜົນສຳເລັດ ຢ່າງຈົບງາມ.

ພ້ອມກັນນີ້, ຍັງໄດ້ຮັບຟັງການເຜີຍແຜ່ມະຕິຂອງຄະນະບໍລິຫານງານສູນກາງພັກ ສະບັບເລກທີ 026/ຄບສພ, ລົງວັນທີ 3 ສິງຫາ 2017 ວ່າດ້ວຍການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່ ຕື່ມອີກ ເຊິ່ງສະເໜີໂດຍ ສະຫາຍ ຄຳຈັນ ພົມແສງສະຫວັນ ຄະນະພັກ ຮອງປະທານ ສນຊ.

info@lfnd.org.la | 021 213754 | (856-21) 453191