ສູນກາງແນວລາວສ້າງຊາດ

Lao Front For National Development

ສນຊ ໄດ້ຮັບຢາປິ່ນປົວພະຍາດມູນຄ່າ 60,243,750 ກີບ

ໃນວັນທີ 24 ມັງກອນ 2018, ສູນກາງແນວລາວສ້າງຊາດ (ສນຊ) ໄດ້ຮັບຢາປິ່ນປົວພະຍາດມູນຄ່າ 60,243,750 ກີບ, ຕາງໜ້າກ່າວມອບໂດຍທ່ານ ດຣ ອານັນ ອິນທະວົງ ຜູ້ປະສານງານໂຄງການພຸດທະຂະຍາ 980 ແລະ ກ່າວຮັບໂດຍທ່ານ ຄຳໃບ ດຳລັດ ກຳມະການສູນກາງພັກ ຮອງປະທານສູນກາງແນວລາວສ້າງຊາດ.

ຢາທີ່ໄດ້ຮັບໃນຄັ້ງນີ້ປະກອບມີ: ຢາປົວພະຍາດຈຳນວນ 3,000 ຊຸດ, ເຊິ່ງປະກອບມີຢາທີບຟີເມັດ, ຢາໄດຟີລີນ 50 ກຼາມ, ຢາໄດຟີລີນຄີມ ແລະ ຢາຊາລາຟ້າ ໂດຍໄດ້ຮັບການຊ່ວຍເຫຼືອຈາກບໍລິສັດ ໄທນະຄອນພັດທະນາ ຈຳກັດ (ສໍານັກງານໃຫຍ່ປະເທດໄທ) ແລະ ບໍລິສັດ ໄທເມດ ຈໍາກັດ ຕົວແທນຈໍາໜ່າຍທົ່ວປະເທດລາວ. ຢາປິ່ນປົວພະຍາດຈໍານວນດັ່ງກ່າວ ແມ່ນມອບໃຫ້ສູນກາງແນວລາວສ້າງຊາດ ນຳ ໄປມອບຕໍ່ໃຫ້ແກ່ປະຊາຊົນຜູ້ທຸກຍາກ ແລະ ຢູ່ຫ່າງໄກສອກຫຼີກ.

ພ້ອມກັນນີ້, ທ່ານຮອງປະທານ ສນຊ ກໍໄດ້ສະແດງຄວາມຂອບໃຈ ຕໍ່ທ່ານ ດຣ ອານັນ ອິນທະວົງ ທີ່ໄດ້ລະດົມ 2 ບໍລິສັດດັ່ງກ່າວປະກອບສ່ວນຊ່ວຍເຫຼືອ ແລະ ນຳຢາປິ່ນປົວພະຍາດມາມອບໃຫ້ ສນຊ ໃນຄັ້ງນີ້.

info@lfnd.org.la | 021 213754 | (856-21) 453191