ສູນກາງແນວລາວສ້າງຊາດ

Lao Front For National Development

ສນຊ ໄດ້ຮັບອຸປະຖໍາຈາກ ມູນນິທິຊ່ວຍເຫລືອຄົນທຸກຍາກສາຂານະຄອນຫລວງວຽງຈັນ

     ພິທີ ມອບ-ຮັບ ເງິນອຸປະຖໍາ ຈັດຂຶ້ນທີ່ສູນກາງແນວລາວສ້າງຊາດ ວັນທີ 12 ມັງກອນ 2024 ນີ້, ໄດ້ຕາງໜ້າພາກສ່ວນຕ່າງໆ ເປັນກຽດກ່າວມອບໂດຍພຣະອາຈານ ພົງສະຫວັນ ອານຸສິນ ກຳມະການສູນກາງແນວລາວສ້າງຊາດ, ກຳມະການສູນກາງອົງການພຸດທະສາສາຫນາສຳພັນ ແຫ່ງສປປລາວ, ປະທານມູນນິທິຊ່ວຍເຫລືອຄົນທຸກຍາກສາຂານະຄອນຫລວງວຽງຈັນ ແລະ ກ່າວຮັບໂດຍ ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ (ສນຊ) ໂດຍມີພະນັກງານທີ່ກ່ຽວຂ້ອງເຂົ້າຮ່ວມ.
     ປະທານມູນນິທິຊ່ວຍເຫຼືອຄົນທຸກຍາກສາຂານະຄອນຫຼວງວຽງຈັນ ໄດ້ມອບເງິນຈໍານວນ 50 ລ້ານກີບປະກອບສ່ວນຊຸກຍູ້ໃນງານສະເຫລີມສະຫລອງວັນສ້າງຕັ້ງກອງທັບປະຊາຊົນລາວຄົບຮອບ 75 ໂດຍໄດ້ລະດົມຈາກ 5 ພາກສ່ວນດັ່ງລຸ່ມນີ້: ທ່ານ ແອັດ ພົມວິໄລ ປະທານກຸ່ມບໍລິສັດ ອີພີແອວ ອຸປະຖຳ 10 ລ້ານ; ທ່ານ ເຄນພອນ ພົມວິໄລ ປະທານສະມາຄົມຂົນສົ່ງແຂວງໄຊສົມບູນ ອຸປະຖຳ 10 ລ້ານກີບ; ທ່ານ ຄຳພູວົງ ພົມວິໄລ ຜູ້ອຳນວຍການ ບໍລິສັດ ພູວຽງ ພັດທະນາຈຳກັດຜູ້ດຽວ ອຸປະຖຳ 10ລ້ານກີບ; ທ່ານ ສຸກສາຄອນ ໃສທິລາດ ຜູ້ອຳນວຍດານ ບໍລິສັດ ໃສທິລາດ ຂົນສົ່ງ 10ລ້ານກີບ ແລະທ່ານ ສຸບິນ ສຸກສະຫວັດ ຜູ້ອຳນວຍການ ບໍລິສັດ ເອັດສ໌ບີ 789 ໂລຈິສຕິກສ໌ ຈຳກັດຜູ້ດຽວ ອຸປະຖຳ 10 ລ້ານກີບ.
     ໂອກາດນີ້, ທ່ານປະທານ ສນຊ ໄດ້ສະແດງຄວາມຊົມເຊີຍ ແລະ ຂອບໃຈເປັນຢ່າງຍິ່ງ ຕໍ່ ການປະກອບສ່ວນຂອງພາກສ່ວນຕ່າງໆ ທີ່ໄດ້ມີນໍ້າໃຈເສຍສະຫຼະ ເພື່ອຊຸກຍູ້ໃນງານສະເຫລີມສະຫລອງວັນສ້າງຕັ້ງກອງທັບປະຊາຊົນລາວຄົບຮອບ 75 ປີ.
info@lfnd.org.la | 021 213754 | (856-21) 453191