ສູນກາງແນວລາວສ້າງຊາດ

Lao Front For National Development

ສນຊ ໄດ້ຮັບເຄື່ອງຊ່ວຍເຫຼືອ

ສູນກາງແນວແນວລາວສ້າງຊາດ (ສນຊ) ໄດ້ຮັບເຄື່ອງຊ່ວຍເຫຼືອຈາກໜ່ວຍງານສັງຄົມສົງເຄາະ ກ່າວມອບໂດຍ ພຣະອາຈານ ຄຳສອນ ສະທິມຸງຄຸນ ເຈົ້າອາທິການວັດຈອມມະນີ ແລະ ກ່າວຮັບໂດຍທ່ານ ແກ້ວຈະເລີນ ເຊ່ຍຢິ້ຢ່າງ ຄະນະປະຈຳ ຫົວໜ້າກົມ ໂຄສະນາ-ອົບຮົມ. ພິທີ ມອບ-ຮັບ ຈັດຂຶ້ນທີ່ສູນຝຶກອົບຮົມວຽກງານແນວລາວສ້າງຊາດ, ໃນວັນທີ 16 ສິງຫາ 2017.

ເຄື່ອງທີ່ນໍາມາມອບໃນຄັ້ງນີ້ປະກອບມີ: ເຄື່ອງນຸ່ງຮົ່ມ, ໝອນ, ປາກະປ່ອງ, ໝີ່, ເຂົ້າສານ. ລວມເປັນມູນຄ່າ 35,000,000 ກີບ (ສາມສິບຫ້າລ້ານກີບ), ໂອກາດກ່າວຮັບທ່ານ ແກ້ວຈະເລີນ ເຊ່ຍຢີ້ງຢ່າງ ໄດ້ຕາງໜ້າຄະນປະຈຳ ສູນກາງ ແນວລາວສ້າງຊາດ ສະແດງຄວາມຂອບໃຈເປັນຢ່າງຍິ່ງຕໍ່ການສະໜັບສະໜູນອຸປະຖຳ ເຄື່ອງຊ່ວຍເຫຼືອມາມອບໃຫ້ສູນກາງ ແນວລາວສ້າງຊາດ ເຊິ່ງເຄື່ອງຈຳນວນດັ່ງກ່າວແມ່ນມີຄວາມຈຳເປັນ ເພື່ອນຳໄປຊ່ວຍເຫຼືອບັນເທົ່າທຸກໃຫ້ປະຊາຊົນ ກໍຄືຄອບ ຄົວທີ່ໄດ້ຮັບຜົນກະທົບ ຫຼື ໄພພິບັດນ້ຳຖ້ວມ ຢູ່ແຂວງອຸດົມໄຊ ແລະ ແຂວງ ໄຊຍະບູລິ. ພ້ອມນີ້, ທ່ານຫົວໜ້າກົມໂຄສະ ນາ-ອົບຮົມ ຍັງຮຽກຮ້ອງມາຍັງບັນດາທ່ານນັກທຸລະກິດ, ບໍລິສັດ, ຫ້າງຮ້ານ ແລະ ປະຊາຊົນລາວບັນດາເຜົ່າ ທີ່ມີນ້ຳໃຈຢາກ ຊ່ວຍເຫຼືອຄອບຄົວປະຊາຊົນທີ່ປະສົບໄພນ້ຳຖ້ວມ ສາມາດພັວພັນ ແລະ ນຳມາມອບໄດ້ ຢູ່ທີ່ສູນຝຶກອົບຮົມວຽກງານແນວລາວ ສ້າງຊາດ (ເຂດຕະຫຼາດເຊົ້າມໍ) ເພື່ອນຳໄປມອບຕໍ່ໃຫ້ສອງແຂວງດັ່ງກ່າວ ແລະ ແຂວງອື່ນໆ ທີ່ໄດ້ຮັບໄພພິບັດຈາກໄພນ້ຳ ຖ້ວມ.

ໃນວັນດຽວກັນ, ຜູ້ຕາງໜ້າຊາວກາໂທລິກ ນະຄອນຫຼວງວຽງຈັນ ຍັງໄດ້ມອບເງິນ ຈຳນວນ 3,000,000 ກີບ (ສາມລ້ານ ກີບ) ໃຫ້ສູນກາງແນວລາວສ້າງຊາດ ຕາງໜ້າກ່າວຮັບໂດຍທ່ານ ນາງ ຄໍາຕຸ່ນ ໄຊຍະສິງ ຮອງຫົວໜ້າກົມຊັ້ນຄົນ-ອົງການຈັດ ຕັ້ງສັງຄົມ ເງິນຈຳນວນດັ່ງກ່າວແມ່ນຈະນຳໄປມອບຕໍ່ຊ່ວຍເຫຼືອບັນເທົາທຸກໃຫ້ປະຊາຊົນ ກໍຄືຄອບຄົວທີ່ໄດ້ຮັບຜົນກະທົບດັ່ງ ກ່າວ.

info@lfnd.org.la | 021 213754 | (856-21) 453191