ສູນກາງແນວລາວສ້າງຊາດ

Lao Front For National Development

ສນຊ ໄດ້ຮັບເງິນອຸປະຖຳຈຳນວນ 22,000,000 ກີບ

ເນື່ອງໃນໂອກາດ ທີ່ສູນກາງແນວລາວສ້າງຊາດ (ສນຊ) ກໍາລັງກະກຽມກອງປະຊຸມສາມັນຄົບຄະນະກຳມະການ ສູນກາງແນວລາວສ້າງຊາດ ຄັ້ງທີ 3 ສະໄໝທີ X, ໃນວັນທີ 14 ມີນາ 2018, ສນຊ ໄດ້ຮັບເງິນອຸປະຖໍາ ເພື່ອນຳໄປໝູນໃຊ້ເຂົ້າໃນການພິມໜັງສືພິມສາມັກຄີພັດທະນາ,

ກ່າວມອບໂດຍ ພະອາຈານ ສີທົນ ໄຊຍະວົງສອນ ຄະນະປະຈຳ ສູນກາງອົງການພຸດທະສາສະໜາສຳພັນລາວ (ອພສ), ຫົວໜ້າກຳມະທິການເຜີຍແຜ່ສີລະທຳ ແລະ ວິປັດສະນາກຳມັດຖານ ຂັ້ນສູນກາງ ເຈົ້າອະທິການວັດປ່ານາຄູນນ້ອຍ ເມືອງນາໄຊທອງ ນະຄອນຫຼວງວຽງຈັນ ແລະ ກ່າວຮັບໂດຍທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ຜູ້ຊີ້ນຳວຽກງານສາສະໜາ ແລະ ໜັງສືພິມສາມັກຄີພັດທະນາ ພ້ອນດ້ວຍຄະນະ.

ພິທີ ມອບ-ຮັບ ໃນຄັ້ງນີ້, ມີເງິນຈຳນວນ 22,000,000 ກີບ ເພື່ອສະໜັບສະໜູນ ໜັງສືພິມສາມັກຄີພັດທະນາ ຂອງສູນກາງແນວລາວສ້າງຊາດ.

ໂອກາດນີ້, ທ່ານ ຮອງປະທານ ສນຊ ກໍ່ໄດ້ສະແດງຄວາມຂອບໃຈເປັນຢ່າງສູງ ຕໍ່ພະອາຈານ ສີທົນ ໄຊຍະວົງສອນ ພ້ອມດ້ວຍອອກຕົນຍາດໂຍມ ຜູ້ທີ່ມີຈິດໃຈສັກທາ ນຳເອົາເງິນຈຳນວນດັ່ງກ່າວ ມາຊ່ວຍເຫຼືອ ສນຊ ໃນຄັ້ງນີ້.

info@lfnd.org.la | 021 213754 | (856-21) 453191