ສູນກາງແນວລາວສ້າງຊາດ

Lao Front For National Development

ສອງຄອນ ຮັບຮອງເອົາ 23 ບ້ານ ເປັນບ້ານສາມັກຄີປອງດອງຂອງແນວລາວສ້າງຊາດ

ປະຕິບັດຕາມແຈ້ງການແນະນຳ 033/ຄປຈ.ສນຊ ວ່າດ້ວຍຂະບວນການສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ, ໂດຍຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ, ມາໃນວັນທີ 9 ກໍລະກົດ 2021 ຜ່ານມານີ້ ທີ່ສະໂມສອນເມືອງສອງຄອນ ແຂວງສະຫວັນນະເຂດ ໄດ້ມີພິທີປະກາດຮັບຮອງເອົາ 2 ບ້ານເປັນບ້ານສາມັກຄີປອງດອງ ແລະ 4,564 ຄອບຄົວ ເປັນຄອບຄົວສາມັກຄີປອງດອງຂອງແນວລາວສ້າງຊາດ ໂດຍພາຍໃຕ້ການເປັນປະທານຂອງ ທ່ານ ສິນໄຊ ວົງລະຄອນ ກຳມະການສູນກາງແນວລາວສ້າງຊາດ, ຮອງປະທານແນວລາວສ້າງຊາດແຂວງ, ມີການນຳຂອງເມືອງ,​ປະ​ທານ​ແນວ​ລາວ​ສ້າງ​ຊາດ​ເມືອງ, ຫົວໜ້າຫ້ອງການອ້ອມຂ້າງ,​ ອຳ​ນາດການ​ປົກ​ຄອງ​ບ້ານ​ຈຳ​ນວນ 23 ບ້ານ ແລະ ແຂກຖືກເຊີນເຂົ້າຮ່ວມລວມ.

ໃນພິທີ ທ່ານ ຄຳໂກ້ ກິ່ງ​ສຸວັນ​ນະ​ວົງ ຮອງ​ປະ​ທານ​ແນວ​ລາວ​ສ້າງ​ຊາດ​ເມືອງ​ສອງ​ຄອ​ນ ຂຶ້ນຜ່ານຂໍ້​ຕົກ​ລົງ​ຂອງ​ທ່ານ​ເຈົ້າ​ແຂວງ​ສະ​ຫວັນ​ນະ​ເຂດ ເລກ​ທີ 590/ຈ​ຂ​ສ​ຂ ວ່າ​ດ້ວຍ​ການ​ຕົກ​ລົງ​ຮັບ​ຮອງ​ເອົາ​ບ້ານ​ສາ​ມັກ​ຄີ​ປອງດອງຂອງ​ແນວ​ລາວ​ລາວ​ສ້າງ​ຊາດ​ປະ​ເຊິ່ງ​ປະ​ກອບ​ມີ 23 ບ້ານ​ຄື: ບ້ານນວນ​ວິ​ໄລ, ບ້ານ​ໂຊກ​ໄຊ, ບ້ານດອ​ນ​ຊາດ, ບ້ານ​ນາ​ຂະ​ຍອມ, ບ້ານ​ຫລັກ 11 , ບ້ານ​ນາ​ຮັງ​ແຂ້, ບ້ານ​ນາ​ທັງ, ບ້ານ​ດານ​ແຕ້ໆ, ບ້ານ​ນາ​ຄຳ​ນົນ, ບ້ານ​ໂຄກ​ສະ​ອາດ, ບ້ານ​ດອນ​ໃຫຍ່, ບ້ານ​ຄຳ​ສະ​ຫວ່າງ, ບ້ານ​ໜອງ​ເດີ່ນ​ທົ່ງ, ບ້ານ​ດົງ​ສະ​ຫວ່າງ, ບ້ານ​ປາກ​ຊ່ອງ, ບ້ານ​ນາ​ພວກ, ບ້ານ​ນາ​ຟອງ​ທ່າ, ບ້ານດອນ​ຂຽວ, ບ້ານດອນ​ມ່ວງ, ບ້ານ​ສະ​ແຍກ, ບ້ານ​ຫ້ວຍ​ຄໍ້, ບ້ານ​ຫ້ວຍ​ໄຂ່ ແລະ ບ້ານ​ພະ​ແລງ ທີ່​ໄດ້​ຮັບ​ຮອງ​ເອົາ​ເປັນ​ບ້ານສາມັກຄີປອງດອງໃນ​ເທື່ອນີ້,ໂດຍ​ແມ່ນ ​ທ່ານ ສິນ​ໄຊ ວົງ​ລະ​ຄອນ ຮອງ​ປະ​ທານ​ແນວ​ລາວ​ສ້າງ​ຊາດ​ແຂວງ​ສະ​ຫັວນ​ນະ​ເຂດເປັນ​ຜູ້ມອບ.

ໃນຕອນທ້າຍ ທ່ານ ຮອງປະທານແນວລາວສ້າງຊາດແຂວງ ກໍ່ໄດ້ສະແດງຄວາມຍ້ອງຍໍຊົມເຊີຍ ມາຍັງການຈັດຕັ້ງທຸກພາກສ່ວນຂອງເມືອງ ທີ່ໄດ້ເອົາໃຈໃສ່ໃນການຊີ້ນຳ-ນຳພາວຽກງານຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດ ແລະ ສະແດງຄວາມຍ້ອງຍໍຊົມເຊີຍຕໍ່ຄະນະກຳມະການແນວລາວສ້າງຊາດເມືອງທີ່ໄດ້ມີຄວາມຕັດສິນໃຈສູງ ໃນການສູ້ຊົນຕໍ່ກັບວຽກງານດັ່ງກ່າວ ໃຫ້ບັນລຸຕາມຈຸດປະສົງ, ລະດັບຄາດໝາຍທີ່ທາງຂັ້ນເທິງໄດ້​ກຳ​ນົດ​ໄວ້ ແລະ ພ້ອມກັນສືບຕໍຈັດຕັ້ງປະຕິບັດວຽກງານຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດໃຫ້ໄດ້ຕາມທິດທາງແຜນການວາງອອກ.

info@lfnd.org.la | 021 213754 | (856-21) 453191