ສູນກາງແນວລາວສ້າງຊາດ

Lao Front For National Development

ສະຖານທູດ ສປ ຈີນປະຈໍາ ສປປ ລາວ ມອບເຄື່ອງຊ່ວຍເຫຼືອ

ໃນວັນທີ 13 ກັນຍາ 2019 ນີ້, ສູນກາງແນວລາວສ້າງຊາດ (ສນຊ) ໄດ້ຮັບເຄື່ອງຊ່ວຍເຫຼືອ ລວມມູນຄ່າ 200,000 ຢວນ ຈາກສະຖານທູດ ສປ ຈີນປະຈໍາ ສປປ ລາວ, ກ່າວຮັບໂດຍ ທ່ານ ຮສ. ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ.

ໂດຍຕອບສະໜອງຄວາມຕ້ອງການທາງໂຮງຮຽນໃນເຂດທີ່ຖືກພົນກະທົບຈາກເຂືອນແຕກ ຢູ່ເມືອງສະໜາມໄຊ ແຂວງອັດຕະປື, ສະຖານທູດ ສປ ຈີນປະຈໍາ ສປປ ລາວ ກໍ່ໄດ້ໃຫ້ການຊ່ວຍເຫຼືອໂຕະ-ຕັ່ງຄູ, ໂຕະຕັ່ງນັກຮຽນ ຈໍານວນ 240 ຊຸດ ( ໂຕະ-ຕັ່ງຄູ 10 ຊຸດ ) ລວມມູນຄ່າ 200.000 ຢວນ ໂດຍມອບໃຫ້ບໍລິສັດ ຄັງຮົວ ລົງທຶນຈໍາກັດ ເປັນຜູ້ຜະລິດ ແລະ ນໍາສົ່ງໄປເຖິງ ເມືອງສະໜາມໄຊ ແຂວງອັດຕະປື ໂດຍຜ່ານສູນກາງແນວລາວສ້າງຊາດ. ທ່ານຮອງປະທານສູນກາງແນວລາວສ້າງຊາດ ກໍໄດ້ສະແດງຄວາມຂອບໃຈເປັນຢ່າງຍິ່ງ ຕໍ່ທ່ານຜູ້ຕາງໜ້າສະຖານທູດ ສປ ຈີນປະຈໍາ ສປປ ລາວ ທີ່ໄດ້ນໍາເອົາເຄື່ອງຊ່ວຍເຫຼືອດັ່ງກ່າວມາມອບໃຫ້ ສູນກາງແນວລາວສ້າງຊາດ ເຊິ່ງຈະເປັນການປະກອບສ່ວນຊ່ວຍເຫຼືອບັນເທົາທຸກ ໃຫ້ປະຊາຊົນທີ່ປະສົບຈາກເຂືອນເຊປ່ຽນເຊນໍ້ານ້ອຍແຕກໃນໄລ ຍະຜ່ານມາ ຫວັງວ່າໂອກາດໜ້າຈະໄດ້ຮັບການຊ່ວຍເຫຼືອຈາກບັນດາທ່ານຕື່ມອີກ.

info@lfnd.org.la | 021 213754 | (856-21) 453191